सूफी संगीत, गझल आणि कव्वालीने आपली अनोखी ओळख निर्माण करणाऱ्या ‘रुहानी सिस्टर्स’ या खऱ्या आयुष्यात सख्या बहिणी नाहीत. परंतु संगीतासाठी असलेले प्रेम, भक्ती आणि आवड यामुळे डॉ. जागृती लुथरा प्रसन्न व डॉ. नीता पाण्डेय नेगी या दोघी एकत्र आल्या. रुहानी अर्थात ‘आत्म्याला भावणारे, त्यात सूफी संगीताच्या प्रेमामुळे त्या एकमेकांच्या आत्म्याशी जोडल्या गेल्या. त्यामुळेच या दोघी ‘रुहानी सिस्टर्स’ म्हणून प्रसिद्ध झाल्या.