नागपूर : टॉन्सिल्सचा त्रास ही एक खूप मोठ्या प्रमाणावर आढळणारी तक्रार आहे. ‘सुर्शुत’ या आयुर्वेदीय शल्यविशारदाने याला ‘गलायु’ अशी संज्ञा दिली आहे. ‘गलायु’ या घशाच्या ठिकाणी असणाऱ्या दोन गाठी आहेत. त्याची वृद्धी झाल्यास हा रोग निर्माण होतो. घशाच्या ठिकाणी आढळणारा हा रोग आहे. कफदोष आणि रक्तधातू यामध्ये बिघाड झाल्यास या रोगाची उत्पत्ती होते. कफदोष वाढल्यामुळे नेहमी सर्दी-पडशाची तक्रार असणाऱ्यांमध्ये टॉन्सिल्स वाढल्या आहेत का याची खातरजमा करून घेतली जाते.