World Athletics Championships Neeraj Chopra Avinash Sable And Other Indian Athlete To Watch esakal
जागतिक अॅथलेटिक्स अजिंक्यपद स्पर्धा (World Athletics Championships) 15 जुलै ते 24 जुलै या दरम्यान अमेरिकेच्या ओरिगॉन येथे खेळवण्यात येणार आहे. भारताने आपला 22 खेळाडूंचा चमू या स्पर्धेसाठी पाठवला आहे. यात टोकियो ऑलिम्पिकमध्ये सुवर्णपदक पटकावलेला नीरज चोप्राचा (Neeraj Chopra) देखील समावेश आहे. याचबरोबर काही अव्वल अॅथलिटवर देखील सर्वांची नजर असले. मराठमोळा अविनाश साबळे (Avinash Sable) देखील 3000 मीटर स्टीपल चेसमध्ये आपली दावेदारी सादर करणार आहे.
Neeraj Chopra : नीरज चोप्रा हा यंदाच्या जागतिक अॅथलेटिक्स अजिंक्यपद स्पर्धेतील सर्वांचा फेव्हरेट खेळाडू असले. त्याने फिनलँडमध्ये 89.30 मीटर भालाफेक करत रौप्य पदकाची कमाई केली होती. त्याने डायमंड लीगमध्ये 89.94 मीटर भालाफेक करत दुसरे स्थान पटकावले होते. त्याचे लक्ष्य हे 90 मीटरचा बेंचमार्क पार करण्याचे असेल. त्याच्याकडून पदकाची अपेक्षा नक्कीच असले. जर त्याने पदक जिंकले तर तो वर्ल्ड अॅथलेटिक्स अजिंक्यपद स्पर्धेत पदक जिंकणारा पहिला देशातला पुरूष खेळाडू ठरेल.Murali Sreeshankar : लांब उडीत राष्ट्रीय विक्रम करणाऱ्या मुरली श्रीशंकरकडून देखील भारताला पदकाची अपेक्षा आहे. एप्रिल महिन्यात झालेल्या फेडरेशन कप स्पर्धेत त्याने 8.36 मीटर लांब उडी मारत संयुक्तरित्या दुसरा क्रमांक पटकावला होता. तो पात्रता फेरीत शुक्रवारी (भारतात शनिवारी पहाटे) खेळणार आहे. Avinash Sable : 3000 मीटर स्पीपल चेस स्पर्धेत भारताची दावेदारी अविनाश साबळे सादर करेल. त्याने 8 मिनिट : 12.48 सेकंद वेळ नोंदवत राष्ट्रीय विक्रम केला होता. आता तो आपल्या राष्ट्रीय विक्रम मोडून काढत आपल्या वेळेत काही सेकंदांची सुधारणा करण्याची शक्यता आहे. त्याचा सामना शुक्रवारी होणार आहे. Praveen Chitravel : ट्रिपल जंपर प्रविण चित्रावेल हा फक्त पाचवा भारतीय आहे ज्याने 17 मीटर बॅरियर पार केले आहेत. चेन्नईत झालेल्या राष्ट्रीय इंटर स्टेट अॅथलेटिक्स स्पर्धेत त्याने 17.18 मीटर अंतर कापले होते. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.