Jalgaon Fraud Crime : जळगाव जिल्ह्यातील भूमि अभिलेख विभागात जागा निघाल्या असून, तेथे नोकरी लावून देतो, असे आमिष दाखवून येथील सामान्य कुटुंबातील व्यक्तीची पाच लाख ४० हजार रुपयात फसवणूक केल्याप्रकरणी अमळनेर येथील अमीन पिंजारी याच्याविरोधात गुन्हा दाखल करण्यात आला आहे.()

ट्रकचालक इकबाल पिंजारी यांनी तक्रार दिली, की अमळनेर येथील तांबापुरा भागात राहणारा पत्नीचा मावस भाऊ अमीन पिंजारी याने घरी येऊन मुलास जिल्हा भूमिलेख विभागात नोकरी लावून देतो, असे आमीष दाखवून मार्च ते जून २०२१ या कालावधीत वेळोवेळी पैशांची मागणी करून पाच लाख ४० हजार रुपये बँक खात्यात जमा करण्यास भाग पाडले. वेळोवेळी पैसे जमा केले.

परंतु अडीच वर्षे झाले तरी नोकरी मिळत नसल्याने व पैशांची मागणी केल्यानंतर उडवाउडवीची उत्तरे मिळाल्याने फसवणूक झाल्याचे लक्षात आल्याने पोलिसात तक्रार दिली. त्या आधारे पोलिसांनी अमीन पिंजारीविरोधात फसवणूकप्रकरणी गुन्हा दाखल केला आहे. उपनिरीक्षक योगेश गणगे तपास करीत आहेत.