पहूर (ता. जामनेर) : पहूर येथील वाघूर नदी पुलावर कापसाने भरलेल्या ट्रॅक्टरची ट्रॉली कठड्यावर उलटल्याची घटना सायंकाळी पाचच्या सुमारास घडली. सुदैवाने या अपघातात प्राणहानी टळली असली तरी शेतकऱ्याचे मात्र नुकसान झाले आहे.
पाळधी येथील शेतकरी योगेश धनगर यांनी येथील जिनिंग-प्रेसिंग येथे सीसीआय कापूस खरेदी केंद्रावर कापूस आणला होता. मात्र, तिथे जागा उपलब्ध नसल्याने कृषी उत्पन्न बाजार समितीच्या उपबाजार आवारात हे ट्रॅक्टर लावण्यासाठी जात होते. इतक्यात वाघूर नदीच्या पुलावर ट्रॅक्टर ट्रॉली कठड्यावर कोसळली. जेसीबी आणि पोकलेनच्या सहाय्याने ट्रॉली व्यवस्थित करत असताना दोर तुटले आणि ट्रॉलीतील कापूस वाघूरच्या पाण्यात पडल्याने ओला झाला.
जेसीबीच्या सहाय्याने पूर्ववत
जेसीबी आणि पोकलॅन्डच्या सहाय्याने ट्रॅक्टर पूर्ववत करण्यात आले. या वेळी गणेश पांढरे, महेश पाटील यांच्यासह स्थानिक नागरिकांसह पोलिस, होमगार्डस यांनी मदत केली. या वेळी बघ्यांची मोठी गर्दी झाली होती. वाहतूकही काही काळासाठी ठप्प झाली होती.
संपादन- भूषण श्रीखंडे
जामनेर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.