जळगाव : शहरातील हरिविठ्ठल नगरातील माहेरी असलेली पत्नी नांदायला येत नाही. म्हणून पतीने वाद घातला.

पत्नीचा नकार पाहता संतापलेल्या पतीने थेट विळ्याने वार करून पत्नीला जखमी केल्याची घटना घडली. रामानंदनगर पोलिसात याप्रकरणी गुन्ह्याची नोंद करण्यात आली आहे. (attack on wife by husband injured at harivitthal nagar Jalgaon Crime)

जखमी गृहिणी शहनाज अजित तडवी (वय-२२) यांचा विवाह अजित हमीद तडवी रा.तांबापुरा यांच्या सोबत झाला असून, पती दारु पिऊन मारझोड करतो कामधंदे करत नाही म्हणून पत्नीने घर सोडून माहेर गाठले.

शुक्रवार (ता.१२) रोजी पती अजित तडवी याने हरिविठ्ठल नगरात येऊन पत्नीस नांदण्यास घरी चाल असे सांगितले. मात्र, तुम्ही दारू सोडत नाही. काहीच कामधंदा करत नाही म्हणून मी येणार नाही असे सांगितल्याचा राग येऊन अजित तडवी याने विळ्याने शहनाजच्या यांच्या मानेवर वार करून जखमी केले.

जखमी अवस्थेत पिडीतेने दिलेल्या तक्रारीवरून अजित तडवी याच्या विरुद्ध रामानंदनगर पोलिसांत गुन्हा दाखल करण्यात आला असून तपास सहाय्यक फौजदार सुनील पाटिल करत आहेत.