Jalgaon Crime News : शहरातील बदाम गल्ली भागातील काजल ज्वेलर्स या सराफा व्यापाऱ्याकडून १६२. १३७ ग्रॅम वजनाची सुमारे ९ लाख रुपये किमतीची सोन्याची लगड कारागिराने डाय पाडण्याच्या बहाण्याने घेऊन पोबारा केल्याची घटना बुधवार (ता.१०) जानेवारीला उघडकीस आली. (Bengali artisans spread out with gold bars worth 9 lakhs jalgaon news)

रतन तारपदा मांझी ( चोक चायपाट ,ता. दिसपूर,जिल्हा मिदनापूर पश्चिम बंगाल) असे संशयिताचे नाव आहे. शनिपेठ पोलिस ठाण्यात गुन्हा दाखल करण्यात आला आहे.

सुभाशीष पंचानंद धारा (वय-३३ खाणाकुल, हुगळी, बदाम गल्ली जुने जळगाव) यांची काजल ज्वेलर्स नावाने सराफी पेढी आहे.

विविध व्यावसायिकांचे सोने घेउन विविध दागिन्यांसाठी डाय पाडण्याचा व्यवसाय आहे. धारा यांच्याकडील बंगाली कारागीर रतन मांझी याला डाय पाडण्यासाठी ९ लाखाची १६२. ३७ ग्राम वजनाची सोन्याची लगड दिली असता, तो पसार झाला.

त्याच्या जळगाव येथील राहण्याच्या ठिकाणी त्याचा शोध घेतला गेला. पण तो थेट पश्चिम बंगालला पळून गेल्याचा संशय आहे. सुभाशीष धारा यांच्या तक्रारीवरून शनिपेठ पोलिसांत गुन्हा दाखल करण्यात आला आहे.