जळगाव  ः जिल्ह्यात पूर्वी कोरोनाचे स्वॅबच्या चाचणीसाठी लॅब नव्हती. यामुळे कोरोनोचा विषय कॅबिनेटच्या मिटींगमध्ये निघाला अन जळगावचे नाव आले की माझी मान खाली जायची. पण आता मात्र जिल्ह्यात आपली स्वतःची टेस्टींग लॅब, ऑक्सिजन बेड, व्हेटींलेटर अशा सर्व अत्याधुनीक सेवा उपलब्ध झाल्याने कोरोना बाधीतांचा मृत्यूदर कमी झाला आहे. त्यामुळे जिल्हा सुविधांबाबत ‘ससून’ रुग्णालयाचाही पुढे आल्याने आता कॅबिनेटच्या बैठकीत माझी मान अभिमानाने ताठ राहील, असे मत पालकमंत्री गुलाबराव पाटील यांनी व्यक्त केले. 

आवश्य वाचा ः  कोणत्याही दोन राजकीय नेत्यांची भेट होणे गैर नाही 
 

जिल्हा कोविड रुग्णालयात सोमवारी ऑक्सिजन बेड वॉर्डाचे लोकार्पण करण्यात आले. त्यावेळी ते बोलत होते. आमदार सुरेश भोळे, जिल्हाधिकारी अभिजित राऊत, जिल्हा कोविड रुग्णालयाचे डीन डॉ.जयप्रकाश रामानंद, जिल्हा शल्य चिकित्सक डॉ.एन.सी. चव्हाण,रोटरी क्लब ऑफ जळगाव सेंट्रलच्या अध्यक्षा अपर्णा भट, सचिव जितेंद्र बरडे, चेअरमन महेंद्र रायसोनी उपस्थित होते. 

ससुन पेक्षा ही चांगली आपली यंत्रणा- मंत्री पाटील  
मागील जिल्हाधिकारी डॉ.अविनाश ढाकणेसह आरोग्य यंत्रणेच्या अधिकाऱ्यांनी कोरोनाचे तातडीने निदान करण्यासाठी टेस्टींग लॅबची मागणी केली. राज्य शासनाकडे याचा पाठपुरावा मी केल्याने टेस्टीग लॅब आपल्याला मिळाली. अन्यथा पूर्वी चार ते आठ दिवसानंतर येणारे अहवालाच्या तक्रारी, रुग्णांच्या तक्रारी, आरोग्य सुविधांची वानवा असे अनेक प्रश्‍न होते. ते प्रश्‍न या लॅबमुळे निकाली निघाले. प्रशासनातील अधिकाऱ्यांनी केलेल्या प्रयत्नांना यश येत आहे. जिल्हाधिकारी अभिजित राऊत यांनी राबविलेल्या ‘बेड साईड असिस्टंट’ पॅटर्नची मुख्यमंत्र्यांनी दखल घेत कौतुक केले आहे. सोबतच कोरेाना रुग्ण संख्येत दिवसेंदिवस घट हात आहे, मृत्यू दरही खाली आहे. आरोग्य यंत्रणा अत्याधुनिक झाली आहे. मुंबईच्या ससून रुग्णालयांपेक्षाही चांगल्या सुविधा जळगावला मिळत आहे. सामाजीक संघटनांनी केलेल्या सहकार्यामुळे व अधिकाऱ्यांच्या 
कार्यक्षमतेमुळे हे शक्य झाले आहे. यापुढील काळातही सामाजिक संस्थांनी सहकार्य ठेवावे. 

वाचा ः केळी निर्यात वाढविण्याची जबाबदारी ‘अपेडा’वर; जळगाव, कोल्‍हापूर, सोलापूरची निवड 
 

ते म्हणाले, की आगामी काळात रुग्ण संख्या वाढली तरी आमची आरोग्य यंत्रणा सज्ज आहे. आगामी काळातील दुर्गात्सवासह अनेक सण भाविकांनी, नागरिकांनी सोशल डिस्टनींगचे पालन करीत साजरे करावेत. सर्वांनी कोरोना बाबत काळजी घ्यावी. तोंडाला मास्कचा वापर नेहमी करावा. 
 

संपादन- भूषण श्रीखंडे