जळगाव ः उत्तर प्रदेशातील हाथरस येथील घटनेचा निषेध नोंदविण्यासाठी सोमवारी राष्ट्रवादी युवती काँग्रेसतर्फे केंद्रीय गृहमंत्री अमित शहा यांना दोरखंडात जखडलेली प्रतीकात्मक संत मीराबाई यांची मूर्ती स्पीड पोस्टाद्वारे पाठविण्यात आली. सध्या देशातील महिलांची अशीच अवस्था झाली असून, त्यांचे दोरखंड सोडविण्यासाठी उपाययोजना करण्याची मागणी राष्ट्रवादी युवती काँग्रेसच्या जिल्हाध्यक्ष कल्पिता पाटील यांनी या वेळी केली.
उत्तर प्रदेशातील हाथरस येथे दलित समाजातील एका तरुणीवर काही नराधमांनी अमानुषपणे सामूहिक बलात्कार केला. त्यानंतर तिला ठार मारण्याचा देखील प्रयत्न केला. या घटनेनंतर पीडित तरुणीचा रुग्णालयात उपचार सुरू असताना मृत्यू झाला. या घटनेचा सोमवारी सकाळी जळगाव जिल्हा राष्ट्रवादी युवती काँग्रेसकडून निषेध नोंदविण्यात आला. युवती अध्यक्ष पाटील यांच्या नेतृत्वाखाली अनोखे आंदोलन करून हाथरसच्या घटनेचा निषेध करण्यात आला.
स्पिड पोस्टने पाठवली मूर्ती
पोस्ट कार्यालयाच्या बाहेर कल्पिता पाटील यांच्यासह राष्ट्रवादी काँग्रेसच्या दिव्या भोसले, मंगला पाटील, प्रतिभा शिरसाठ यांनी संत मीराबाई यांची दोरखंडाने जखडलेली मूर्ती आणून तिला देशाचे गृहमंत्री अमित शहा यांना स्पीड पोस्टाद्वारे पाठविण्यात आली. देशात महिलांची स्थिती मूर्तीप्रमाणे झाली आहे. दोरखंडानी तिला जखडून टाकण्यात आले आहे. महिलांची सुटका करण्यासाठी केंद्रीय गृहमंत्र्यांनी उपाययोजना कराव्यात, यासाठीच ही प्रतीकात्मक मूर्ती पाठवीत असल्याचे कल्पिता पाटील यांनी सांगितले.
तर दिल्लीपर्यंत मोर्चा आणू
हाथरस घटनेबद्दल कल्पिता पाटील यांनी संताप व्यक्त करीत यातील दोषींना तत्काळ अटक करून त्यांना कठोरात कठोर शासन करावे, अशी मागणी करण्यात आली. अन्यथा दिल्लीपर्यंत धडक मोर्चा आणण्याचा इशारादेखील पाटील यांनी या वेळी केंद्र सरकारला दिला आहे.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.