वाकोद (ता. जामनेर) ः येथील बाजारपट्टा भागात असलेले शंकर डोंगरमल जैन यांच्या सोन्याचांदीचे (Gold Shop) दालन असलेले दुकान आहे. या ठिकाणी मध्यरात्री चोरट्यांनी (thieves) चार चाकी वाहनातून येवून दुकान फोडण्याचा प्रयत्न केला. परंतू गावकऱ्यांची चाहूल लागली असावी म्हणून चोरी न करता चोरांनी तेथून पळ काढला. त्यात मात्र चोरीसाठी आणलेली चारचाकी वाहन चोरांनी इथेच सोडून पळाले.

सकाळी जैन हे दुकान उघडण्यासाठी आले तेव्हा दुकानाला लावलेल्या लोखंडी दरवाज्याचे कुलूप व आसारी कापलेली दिसली व बाहेर लावलेल्या CCTV कॅमेरा यांच्या वायर तोडल्याचे दिसुन आल्याने त्यांना हा प्रकार दिसून आला तत्पूर्वी अज्ञात वाहनांची व चोरीच्या प्रयत्नांची माहिती पहुर पोलिसांना काळविल्या नंतर पोलीस घटनास्थळी आली व संपुर्ण घटनेची माहिती घेतली.

पोलीस घटनास्थळी

घटना स्थळी पोलिस पाटील संतोष देठे ग्रामपंचायत सदस्य विलास जोशी गजानन जोशी यांनी भेट देऊन सदर घटना पहुर पोलिसांना कळवली. गाडी क्र mh 20 bn 3826 ही गाडी पोलिसांनी ताब्यात घेतली पुढील तपास पहुर पोलीस स्टेशन ए पी आय नाईक साहेब यांच्या मार्गदर्शनाखाली भरतजी लिंगायत करत आहे.

चोरी करण्याचे हत्यारे गाडीत

दुकान फोडतांना नागरिकांना चाहूल लागल्याच्या संशय चोराला आला. आणि पकडले जाऊ नये यासाठी चोरट्यांनी पळ काढला. पळ काढतांना आणलेली गाडी तिथेच सोडून चोरटे पसार झाले. पोलिसांनी या वाहनाची तपासणी केली असता गाडीत टॉमी, हातोडा व करवत सारखे तत्सम वस्तु सापडले.