Jalgaon News : मराठा समाजाबद्दल ओबीसी नेते मंत्री छगन भुजबळ बेताल व आक्षेपार्ह वक्तव्य करीत आहेत.

त्यामुळे समाजामध्ये तेढ निर्माण होत असल्याने मंत्री भुजबळ यांचा निषेध करण्यासाठी रविवारी (ता. १९) सकल मराठा समाज जळगाव जिल्हातर्फे आंदोलन करण्यात आले. (Protest against minister Bhujbal image in jalgaon news)

या वेळी घोषणाबाजी तसेच प्रतिमेला जोडे मारून मराठा समाजातर्फे निषेध करण्यात आला. सकल मराठा समाज जळगाव जिल्ह्यातर्फे रविवारी छत्रपती शिवाजी महाराज पुतळा कोर्ट चौक येथे सकाळी आंदोलन करण्यात आले. या वेळी बेताल वक्तव्य करणाऱ्या ओबीसी नेत्यांचा निषेध करण्यात आला.

आंदोलनात लोकसंघर्ष मोर्चाच्या प्रतिभा शिंदे, मराठा समाजाचे पदाधिकारी प्रमोद पाटील, भीमराव मराठे, सुधीर कोकाटे, संतोष पाटील, अविनाश पाटील, अशोक पाटील, योगेश कदम, विजय बांदल, शुभम अहिरे, गणेश पाटील, आकाश हिवाळे, पराग घोरपडे, विशाल देशमुख, अजय इंगोले, कुंदन सूर्यवंशी, सचिन साळुंखे, चंद्रकांत पाटील, गणेश मोझर, संतोष वाघ, जयेश इंगोले, कृष्णा पाटील, प्रफुल्ल पाटील, गोलू पवार आदी समाजबांधव उपस्थित होते.