जळगाव : सीए, जळगाव शाखेचा पदहस्तांतर सोहळा नुकताच पार पडला. मावळते अध्यक्ष प्रशांत अग्रवाल यांनी अध्यक्षपदाची सूत्रे नवनिर्वाचित अध्यक्ष विकी बिर्ला यांच्याकड सुपूर्द केला. जिल्हाधिकारी अभिजित राऊत, आयसीएआयच्या केंद्रीय परिषदेचे सदस्य उमेश शर्मा प्रमुख पाहुणे म्हणून उपस्थित होते.

...अशी आहे कार्यकारिणी

या कार्यकारिणीत अध्यक्षपदी विकी बिर्ला, उपाध्यक्ष व विद्यार्थी शाखा अध्यक्षा ममता राजानी केजरीवाल, सचिव अभिषेक कोठारी, कोषाध्यक्ष हितेश आगीवाल, तर रोशन रुणवाल, सोहन नेहेते यांची सभासद म्हणून निवड करण्यात आली. या वेळी नुकत्याच झालेल्या सीए परीक्षेमध्ये उत्तीर्ण झालेल्या एकूण २३ विद्यार्थ्यांचा सीसीएम उमेश शर्मा यांच्या हस्ते मानचिन्ह देऊन गौरव करण्यात आला.

तज्ज्ञांनी केले मार्गदर्शन

सत्कारानंतर सभासदांसाठी अलीकडे जी. एस. टी. मध्ये झालेल्या सुधारणा आणि जीएसटीअंतर्गत नोटिसा या विषयावर चर्चासत्राचे आयोजन करण्यात आले होते. या विषयावर उमेश शर्मा यांनी मार्गदर्शन केले. दिव्या झवर यांनी सूत्रसंचालन केले. अभिषेक कोठारी यांनी आभार मानले.