Jalgaon News : म्हाडा कॉलनीत हळदीच्या कार्यक्रमात सुरू असलेले गाणे बदलविले, या किरकोळ कारणावरून झालेल्या वादाचे पर्यवसान थेट तरुणाला चाकूने भोसकण्यात झाले.

या वादात एका २३ वर्षीय तरुणास गंभीर जखमी झाला. सचिन भरत महाले (रा. योध्यानगर) असे जखमी तरुणाचे नाव आहे. (young man attacked with a knife Jalgaon Crime News)

बुधवारी (ता. ७) रात्री सचिन महाले मित्रांसोबत म्हाडा कॉलनीत हळदीच्या कार्यक्रमाला आला होता. कार्यक्रमात सुरू असलेले गाणे बदलविण्यास सचिन याने सांगितले. याचा राग येऊन तीन तरुणांनी त्याच्याशी वाद घातला.

त्यातील दोघांनी हातात दगड घेऊन सचिनला मारले, तर तिसऱ्याने खिशातून चाकू काढून त्याच्या छातीत भोसकून गंभीर जखमी केले.

‘पोलिसांत तक्रार दिली, तर यापेक्षाही जास्त मारू’, अशी धमकी दिली. सचिन याने उपचार घेतल्यानंतर गुरुवारी (ता. ८) दिलेल्या तक्रारीवरून एमआयडीसी पोलिस ठाण्यात तिघांविरुद्ध गुन्हा दाखल झाला आहे.

हेही वाचा : Credit Card फसवणूक....काय घ्याल काळजी?