Gunwant Kshirsagar esakal
जळगाव

Jalgaon Accident News : लोहारा येथील युवकाचा अपघातात मृत्यू; गावावर शोककळा

येथून जवळच असलेल्या कळमसरा- शेंदुर्णी रस्त्यावर मंगळवारी (ता. २) सकाळी दहाच्या सुमारास भरधाव जाणाऱ्या मालवाहू वाहनाची दुचाकीला जोरदार धडक बसून दुचाकीस्वार तरुणाचा जागीच मृत्यू झाला.

सकाळ वृत्तसेवा

Jalgaon Accident News : येथून जवळच असलेल्या कळमसरा- शेंदुर्णी रस्त्यावर मंगळवारी (ता. २) सकाळी दहाच्या सुमारास भरधाव जाणाऱ्या मालवाहू वाहनाची दुचाकीला जोरदार धडक बसून दुचाकीस्वार तरुणाचा जागीच मृत्यू झाला.

जंगीपुरा येथून दुधाच्या टँकर कळमसरा मार्गे पाचोरा येथे जात असताना मालवाहू गाडीने (क्रमांक एमएच १९, सीआय ५७३१) लोहाराकडून येणाऱ्या बजाज प्लेटिना दुचाकीला (क्रमांक एमएच १९, डीएन १७६२) जोरदार धडक दिली.(Youth from Lohara dies in an accident jalgaon news)

यात राष्ट्रीय स्वयंसेवक संघाचे कार्यकर्ते गुणवंत क्षीरसागर (वय ४४, रा. लोहारा, ता. पाचोरा) यांचा डोक्याला जबर मार लागल्याने जागीच मृत्यू झाला. ही बातमी लोहारा परिसरात कळताच घटनास्थळी नागरिकांची गर्दी झाली होती. या अपघातास जबाबदार असलेल्या वाहनचालकास आमच्या ताब्यात द्या, अशी मागणी नागरिकांनी केली.

परंतु पिंपळगाव हरेश्वर पोलिस ठाण्याचे पोलिस उपनिरीक्षक अमोल पवार, लोहारा पोलिस पाटील सुरेंद्र शेळके यांनी नागरिकांना समज देण्याचा प्रयत्न केला व घटनास्थळी पंचनामा करून वाहनचालक भूषण राजू चौधरी (वय २०, रा. पाचोरा) यास अटक केली.

त्यानंतर मृतदेह विच्छेदनासाठी पाचोरा येथे पाठविण्यात आला. या घटनेचा तपास पिंपळगाव हरेश्वर पोलिस ठाण्याचे सहाय्यक पोलिस निरीक्षक महेंद्र वाघमारे यांच्या मार्गदर्शनाखाली उपनिरीक्षक अमोल पवार व अरविंद मोरे तपास करीत आहेत.

गुणवंत क्षीरसागर हे राष्ट्रीय स्वयंसेवक संघाचे कार्यकर्ते व शेंदुर्णी येथील राणी लक्ष्मीबाई पतसंस्थेचे लिपिक होते. त्यांच्या पश्चात पत्नी, मुलगा, मुलगी, आई, वडील, भाऊ, काका असा परिवार आहे. शांत व मनमिळाऊ व्यक्तिमत्वाचा मृत्यू झाल्याने लोहारा येथील व्यावसायिकांनी आपली दुकाने बंद ठेवली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Video: ''मोदींमार्फत अल्लाने सगळं दिलंय, कुणाची मदत नको'' अपंग असलेल्या मुस्लिम व्यक्तीचा व्हिडीओ व्हायरल

माेठी बातमी! 'सातारा जिल्ह्यातील आमदार आठ महिने निधीविनाच'; फंडातील विविध कामांना ब्रेक, अधिवेशनात घोषणेची शक्यता

Viral Video: नवरा फोनमध्ये व्यस्त, पत्नी संतापली, रागात असं काही केलं की...; व्हिडिओच व्हायरल झाला, पाहा पोस्ट

Ashadhi Wari 2025: मृदंगाच्या थापाने वाढविली वारकऱ्यांची ऊर्जा; घळाटवाडीच्या गणेश महाराजांची पंढरीच्या वारीत वादनसेवा

Tata Group: टाटा ग्रुपच्या कंपनीचा शेअर 10 टक्क्यांनी घसरला; ब्रोकरेजनेही दिला अलर्ट, गुंतवणूकदार चिंतेत

SCROLL FOR NEXT