सिंधुदुर्ग : कोकणातील आंबोली घाट हा पर्यटकांचा केंद्रबिंदू आहे. दरम्यान पावसाळ्यात तेथे अनेक पर्यटक फिरण्यासाठी येत असतात. या काळातच काही पर्यटक तरूण रस्त्यावर हुल्लडबाजी करताना दिसत आहेत त्यामुळे इतर पर्यटकांना याचा त्रास सहन करावा लागत असून वाहतूक कोंडी होत आहे.

(Amboli Ghat Youth Dance Viral Video)

आंबोली घाटात गोंधळ घालत डान्स करणाऱ्या काही तरूणांचा एक व्हिडीओ सध्या सोशल मीडियावर व्हायरल होत आहे. यामध्ये ते रस्तावरील वाहनांना अडवूनच गोंधळ घालताना दिसत आहेत. त्यामुळे मोठ्या प्रमाणावर वाहतूक कोंडी झालेली पाहायला मिळाली आहे.

आंबोली घाट हा पावसाळ्यात पर्यटकांसाठी महत्त्वाचे ठिकाण आहे. येथे महाराष्ट्रातील विविध भागातून पर्यटक येत असतात. पावसाळ्यात या ठिकाणी पर्यटकांची रीघ लागलेली असते. त्यातच पर्यटकांना अशा तरूणांमुळे त्रास सहन करावा लागत आहे.