सावंतवाडी - माजी मुख्यमंत्री नारायण राणे यांना काँग्रेस पक्षात घेण्याबाबत अद्याप पक्षाकडून कोणतीही अधिकृत भूमिका जाहीर करण्यात आलेली नाही. माझ्याकडे तसा कोणताही प्रस्ताव नाही,  असा खुलासा काँग्रेसचे प्रदेशाध्यक्ष अशोक चव्हाण यांनी आज येथे केला 

बाळासाहेब थोरात यांच्या वक्तव्याबाबत आलेल्या बातम्या या चुकीच्या आहेत. अशाप्रकारे आपण काही बोललो नाही, असा खुलासा त्यांनी आमच्याकडे केला आहे. असे सांगून नारायण राणे यांच्या काँग्रेस प्रवेशाला खुद्द प्रदेशाध्यक्षांनीच पूर्णविराम दिला. 
श्री. चव्हाण आज सावंतवाडी येथे काँग्रेसच्यावतीने आयोजित करण्यात आलेल्या जनसंघर्ष यात्रेसाठी आले होते.

यावेळी झालेल्या पत्रकार परिषदेस  जिल्हाध्यक्ष विकास सावंत, डॉ जयेद्र परुळेकर, काका कुडाळकर, बाळा गावडे, महेंद्र सागेलकर आदी उपस्थित होते.