रत्नागिरी : महाराष्ट्रात कोरोनाचा रुग्ण वाढत असताना रत्नागिरी  जिल्ह्याला मोठा दिलासा देणारी बाब पुढे आली आहे.  कोरोना संदर्भातील 12 अहवाल प्राप्त झाले असून ते सर्व निगेटिव्ह आहेत. यामध्ये साखरतर येथील दोन पॉझिटिव्ह रुग्णांचा अहवाल निगेटिव्ह आला आहे.  एकूण प्रलंबित 68 अहवालापैकी 52 अहवाल प्राप्त झाले आहेत, ते सर्व निगेटिव्ही आहेत. यात कामथे रुग्णालयातील 10 अहवालाचा  समावेश आहेत.

हेही वाचा- वसुंधरा दिनाचे यंदा सुवर्णमहोत्सवी वर्ष आहे. त्याची सुरवात फारच रंजक आहे 

जिल्हा प्रशासनाने आज सकाळी याची अधिकृत माहिती जाहीर केली. त्यामुळे जिल्ह्यावरील कोरोनाचा विळखा ढिला होत चला असल्याची समाधानाची बाब पुढे आली आहे. रत्नागिरी जिल्ह्यातील बारा तपासणी अहवाल काल (21) रात्री उशिरा प्राप्त झाले. यात साखरतर येथे प्रारंभी पॉझिटिव्ह निघालेल्या दोन  रुग्णांचे अहवाल आता निगेटिव्ह आले आहेत. मोठा दिलासा देणारी ही माहिती आहे. एवढेच नाही तर यासोबतच कामथे उपजिल्हा रुग्णालयातील दहा रुग्णांचे अहवाल देखील निगेटिव्ह आले आहेत.

हेही वाचा- कोकणात पार्सल ट्रेन घेऊन आली औषधाचा साठा

18 अहवालाची प्रतीक्षा
कळंबणी उपजिल्हा रुग्णालयातील चाळीस रुग्णांचे तपासणी अहवाल पाठविण्यात आले होते. आज सकाळी त्याचा अहवाल प्राप्त झाला असून सर्व अहवाल निगेटिव आलेले आहेत.
यामुळे एकूण प्रलंबित 68 अहवालांपैकी 52 अहवाल आतापर्यंत प्राप्त झाले असून हे सर्व निगेटिव्ह आलेले आहेत. प्रशासनाला आता 18 अहवालाची प्रतीक्षा आहे.