रत्नागिरीच्या दापोलीमध्ये एसटीच्या दोन बसमध्ये समोरासमोर धडक होऊन भीषण अपघात झाल्याचे वृत्त आहे. या घटनेत एका बसचा चालक गंभीर जखमी झाल्याचे सांगितले जात असून, इतर जखमींमध्ये 25 जणांचा समावेश असून, महिला आणि विद्यार्थ्यांची संख्या अधिक आहे.

दरम्यान, जखमींना उपचारासाठी जवळील रूग्णालयात दाखल करण्यात आले असून, घटनास्थळी मदत आणि बचावकार्य युद्ध पातळीवर सुरू करण्यात आले आहे. हा अपघात नेमका कसा झाला याबद्दल अद्याप कोणीतीही ठोस माहिती समोर आलेली नसून, या बस नेमक्या कुठे निघाल्या होत्या याबद्दल काही समजू शकलेले नाही. बसचे स्टेअरिंग लॉक झाल्याने हा अपघात झाल्याची प्राथमिक माहिती आहे.