कुडाळ (सिंधुदुर्ग) : पिंगुळी म्हापसेकर तिठ्यावरील एका बॅंकेच्या एटीएममधून चक्क नाग बाहेर पडला. ही घटना काल दुपारी घडली. पिंगुळी म्हापसेकर तिठ्यावरच्या बॅंकेत एटीएममध्ये पैसे काढण्यासाठी एक महिला जात असता त्या महिलेला एटीएमच्या दारातून एक नाग जातीचा साप बाहेर पडताना दिसला. त्यांनी त्याची माहिती शेजारी असलेले साई वाळके यांना दिली. त्यांनी तत्काळ पिंगुळीचे कोकण वाईल्ड लाईफ रेस्क्‍यू फोरम, सिंधुदुर्गचे अध्यक्ष अनिल गावडे यांना दिली. 

ते काही क्षणात घटनास्थळी पोहचले. एटीएममधुन बाहेर पडलेला नाग जातीचा साप शेजारी असलेल्या दगडाखाली लपुन बसलेला होता. लगेचच त्याला सुरक्षित पकडले. यानंतर गावडे यांनी ग्राहकांच्या सुरक्षेच्या कारणासाठी बॅंक मॅनेजरशी पंधरा मिनट चर्चा केली. लगेचच त्याला नैसर्गिक अधिवासात सोडण्यात आले. बॅंकेचे अधिकारी, साई वाळके, कृष्णा मयेकर, गणपत सामंत, तुळशीदास पवार, संतोष मुंडये, शितल रेडीज, बाबली परब उपस्थित होते.

हेही वाचा - दुर्गम झर्येतील दीप्तीचे नीट परीक्षेत यश:नेट खडतर तरी नीट चमकली! -

संपादन - स्नेहल कदम