पॅरिस : कंपाउंड तिरंदाजी प्रकारात (Compound Archery) भारताच्या अभिषेक वर्मा (Abhishek Verma) ने अमेरिका (USA) च्या दिग्गज क्रिस शाफ (Kris Schaff) ला पराभूत करत नवा इतिहास रचला. शूटआफपर्यंत रंगतदार झालेल्या लढतीत विजय नोंदवत अभिषकने तिरंदाजी वर्ल्ड कप स्पर्धेत (Archery World Cup) सुवर्ण पदक पटकावले.

काँटे की टक्कर आणि सुवर्ण वेध

बरोबरीच्या फायनल लढतीमध्ये अभिषेक वर्मा (Abhishek Verma) आणि क्रिस शाफ (Kris Schaff) दोन्ही तिरंदाजांनी 2-2 अंक गमावले. दोघांच्या खात्यात 148-148 गुण जमा झाले होते. जगातील पाचव्या क्रमांकावर असलेल्या शाफने 9 पासून शूटआफ सुरु केले. दुसरीकडे अभिषेक वर्माने परफेक्ट 10 अंकासह बाजी मारली. नेदरलँडचा माईक शोलोएसर (Mike Schloesser) तिसऱ्या स्थानावर राहिला.