Asia Cup 2023 IND Vs PAK Vice Captain Hardik Pandya : आशिया कप 2023चा थरार कालपासून पाकिस्तान रंगला आहे, मात्र सर्वांना उत्सुकता 2 सप्टेंबरची भारत आणि पाकिस्तान सामन्याची आहे. भारत रविवारी पल्लेकेले येथे कट्टर प्रतिस्पर्धी पाकिस्तानविरुद्ध आशिया कपच्या मोहिमेची सुरुवात करणार आहे. दरम्यान भारत-पाकिस्तान सामन्याबाबत उपकर्णधार हार्दिक पांड्याने मोठी गोष्ट सांगितली आहे.

हार्दिक म्हणाला, 'ही एक अशी स्पर्धा आहे, ज्यामध्ये तुमच्या व्यक्तिमत्त्वाची कसोटी लागते हे मी पाहिले आहे. आपण किती दबाव हाताळू शकता हे देखील हे दर्शविते, त्यामुळे त्या सर्व गोष्टी मला उत्तेजित करतात. क्रीडाप्रेमींसोबत अनेक भावना जोडलेल्या असतात.

हार्दिक पांड्या पुढे म्हणाला की, पाकिस्तानसारख्या संघाविरुद्धचे सामने हे भावनेच्या आहारी जाण्यासाठी नसून माहितीपूर्ण निर्णय घेण्यासाठी असतात. त्याचवेळी ही एक मोठी स्पर्धा आहे.

आशिया कप 2023 मध्ये भारत आणि पाकिस्तान यांच्यात तीन सामने खेळवले जाऊ शकतात. दोन्ही संघांमधला पहिला सामना 2 सप्टेंबरला ग्रुप स्टेजमध्ये होणार आहे. याशिवाय, जर दोन्ही संघ सुपर फोरसाठी पात्र ठरले तर 10 सप्टेंबर रोजी या फेरीत दोन्ही संघांचा सामना होईल. दुसरीकडे, जर भारत आणि पाकिस्तान सुपर फोरमध्ये अव्वल दोन स्थानांवर राहिले तर 17 सप्टेंबरला अंतिम सामना खेळवला जाऊ शकतो.

आशिया कप स्पर्धेत सहा संघांची दोन गटात विभागणी करण्यात आली आहे. प्रत्येक गटातून दोन संघ सुपर फोरमध्ये पोहोचतील. त्यानंतर यातील अव्वल दोन संघ अंतिम फेरीत खेळतील. अ गटात भारत, पाकिस्तान आणि नेपाळ तर ब गटात बांगलादेश, अफगाणिस्तान आणि श्रीलंका आहेत.