Asia Cup 2023 Opening Ceremony : आशिया कपमधील पहिला पाकिस्तान विरूद्ध नेपाळ सामना आजपासून सुरू झाला आहे. या सामन्यापूर्वी पाकिस्तानातील मुल्तान येथे छोटेखानी उद्घाटन सोहळा देखील झाला. या सोहळ्यात नेपाळची प्रसिद्ध गायिका त्रिशला गुरूंगने आपल्या आवाजाने सर्वांना मंत्रमुग्ध केले. यानंतर आतषबाजीने आशिया कपच्या सुरूवात झाली.

यंदाचा आशिया कप हा पाकिस्तान आणि श्रीलंका या दोन देशात होणार आहे. आशिया कपचा पहिला सामना हा मुल्तान येथे यजमान पाकिस्तान आणि पहिल्यांदाच आशिया कप खेळणाऱ्या नेपाळ यांच्यात होत आहे. या सामन्यापूर्वी आशिया कपचा उद्घाटन सोहळा देखील पार पडला.

यावेळी ऐमा बेग आणि नेपाळची गायिका त्रिशला गुरूंगने आपली कला सादर केली. यानंतर नाणेफेक झाली. यजमान पाकिस्तानने नाणेफेक जिंकून प्रथम फलंदाजी करण्याचा निर्णय घेतला. मुल्तानच्या खेळपट्टीबद्दल बालोयचं झालं तर खेळपट्टी थोडी कोरडी आहे.

आशिया कपमधील हा पहिला सामना असला तरी स्टेडियममध्ये चाहत्यांनी मात्र फारशी गर्दी केली नव्हती. नाणेफेक जिंकून प्रथम फंलदाजी करणाऱ्या पाकिस्तानला नवख्या नेपाळने पहिल्या सहा षटकातच दोन धक्के दिले. करण केसीने फखर जमानला 14 धावांवर बाद केले. तर रोहित पौडेलने इमाम - उल - हकला 5 धावांवर धावबाद केले.

(Sports Latest News)