ICC Award Ben Stokes : इंग्लंडचा कर्णधार बेन स्टोक्सने आयसीसी कसोटी क्रिकेटर ऑफ द इयरचा पुरस्कार जिंकला. बेन स्टोक्सने जेव्हापासून इंग्लंडचा कसोटी कर्णधार झाला आहे. तेव्हापासून इंग्लंडचा संघ आक्रमक कसोटी क्रिकेट खेळतोय. कसोटीत बेन स्टोक्सने देखील गेल्या वर्षभरात कसोटी क्रिकेटमध्ये चांगली कामगिरी केली आहे.

बेन स्टोक्सने 2022 मध्ये कसोटीमध्ये 36.25 च्या सरासरीने 870 धावा केल्या आहेत. तर 31.19 च्या सरासरीने 26 विकेट्स घेतल्या आहेत. जरी बेन स्टोक्सचे 2022 मधील कसोटीमध्ये आकडे चांगले असले तरी ज्या परिस्थिती बेन स्टोक्स इंग्लंड कसोटी संघाचा कर्णधार झाला ती आव्हानात्मक परिस्थिती होती. इंग्लंडचा अॅशेसमध्ये व्हाईट वॉश झाला होता. इंग्लंड संघात बदलाचे जोराचे वारे वाहत होते.

मात्र ब्रँडन मॅक्युलम इंग्लंड कसोटी संघाचा कोच झाला. तर जो रूटकडून स्टोक्सकडे कसोटी संघाचे कर्णधारपद आले. त्यानंतर इंग्लंडच्या संघाने अत्यंत आक्रमक कसोटी खेळण्या सुरूवात केली. त्यामुळे इंग्लंडचा कसोटी संघ एका वेगळ्याच उंचीवर गेला. बेन स्टोक्स कर्णधार झाल्यापासून 10 कसोटी सामन्यापैकी 9 सामने जिंकले आहेत.

इंग्लंडने न्यूझीलंड, दक्षिण आफ्रिकेला मायदेशात हरवले. त्यानंतर भारतासोबत झालेल्या एकमेव कसोटी सामन्यात विजय मिळवत मालिका 2 - 2 अशी बरोबरीत सोडवली. त्यानंतर पाकिस्तानला पाकिस्तानमध्ये 3 -0 असा व्हाईट वॉश देत ऐतिहासिक विजय मिळवला.

(Sports Latest News)

हेही वाचा : ....इथं तयार होतो आपला लाडका तिरंगा