Shubman Gill vs Rohit Sharma : सध्या अमेरिका-वेस्ट इंडिजमध्ये टी-20 वर्ल्ड कप 2024 चा थरार सुरू आहे. टीम इंडियाने ग्रुप स्टेजमध्ये सलग तीन सामने जिंकून सुपर 8 मध्ये प्रवेश केला आहे. भारतीय संघ सुपर-8 स्पर्धेसाठी वेस्ट इंडिजला रवाना होईल. त्याचवेळी राखीव खेळाडूंच्या यादीत समाविष्ट असलेला युवा फलंदाज शुभमन गिल भारतात परतणार असल्याची चर्चा आहे.

काही मीडिया रिपोर्ट्सनुसार, शुबमन गिलला अनुशासनहीनतेमुळे भारतात पाठवले जात आहे. रोहित शर्मासोबतच्या त्याच्या मतभेदाच्या चर्चेदरम्यान त्याच्या मायदेशी परतण्यामागचं एक मोठं कारण समोर आलं आहे.

वृत्तांवर विश्वास ठेवला तर, शुभमन गिल टीम इंडियासोबत जास्त वेळ नव्हता. तो त्याच्या साईड बिझनेसला जास्त वेळ देत होता आणि टीम इंडियासोबत प्रवासही करत नाहीये. 9 जून रोजी भारत विरुद्ध पाकिस्तान सामन्यादरम्यान राखीव खेळाडू रिंकू सिंग, खलील अहमद आणि आवेश खान स्टेडियममध्ये टीम इंडियासोबत होते, परंतु गिल दिसला नाही.

शुभमन गिलने रोहित शर्माला इन्स्टावर केले अनफॉलो

त्याचवेळी, आता शुभमन गिल आणि कर्णधार रोहित शर्मा यांच्यातील मतभेदाच्या बातम्याही समोर येत आहेत. शुभमनने रोहित शर्माला इंस्टाग्रामवर अनफॉलो केल्याचे बोलले जात आहे. पण, यात किती तथ्य आहे? याची पुष्टी होऊ शकली नाही. दरम्यान, शुभमन गिलसोबत वेगवान गोलंदाज आवेश खानलाही संघातून मुक्त करण्यात येणार असल्याची बातमी समोर येत आहे.

काही मीडिया रिपोर्ट्समध्ये बीसीसीआयच्या एका सूत्राचा हवाला देत शुभमन गिल आणि आवेश खान यांना अमेरिकेत ग्रुप स्टेजपर्यंतच संघासोबत राहायचे होते, जे आधीच ठरले होते. यामुळे दोघेही आयर्लंडविरुद्धच्या सामन्यानंतर सोडले जातील. सुपर-8 मध्ये टीम इंडियाचा पहिला सामना 20 जून रोजी अफगाणिस्तान विरुद्ध आहे.