India vs England T20 World Cup 2024 2nd Semi-final : टी-20 वर्ल्ड कप 2024 मध्ये दक्षिण आफ्रिका आणि इंग्लंड या संघांने गट 2 मधून उपांत्य फेरीत एन्ट्री मारली आहे. आता उपांत्य फेरी गाठण्यासाठी ग्रुप-1 मधून भारत, ऑस्ट्रेलिया, अफगाणिस्तान आणि बांगलादेश यांच्यात लढत रंगणार आहे.

ग्रुप-1 मध्ये भारतीय संघाने उपांत्य फेरीत जवळपास मजल मारली आहे. जर भारतीय संघ ऑस्ट्रेलियाविरुद्ध जिंकला किंवा पावसामुळे सामना रद्द झाला तर भारतीय संघ अधिकृतपणे उपांत्य फेरीत प्रवेश करेल.

एकूणच, आतापर्यंत दोन गटातील दोन संघ उपांत्य फेरीसाठी पात्र ठरले आहेत. तर ग्रुप-1 मध्ये अद्याप कोणत्याही संघाने अधिकृतपणे उपांत्य फेरीत प्रवेश केलेला नाही. मात्र, ग्रुप-1 मधून टीम इंडिया शेवटच्या सेमीफायनलमध्ये जाणार हे जवळपास निश्चित झाले आहे. अशा स्थितीत भारतीय चाहत्यांच्या मनात प्रश्न आहे की, उपांत्य फेरीत टीम इंडियाचा सामना कोणाशी होणार आहे.

सेमी-फायनलमध्ये टीम इंडिया कोणाशी भिडणार?

भारतीय संघाने ऑस्ट्रेलियाविरुद्धचा सामना जिंकला तर ते त्यांच्या ग्रुपमध्ये अव्वल स्थानावर राहतील. दोन्ही संघांमधील सामना पावसामुळे रद्द झाला तरीही टीम इंडिया आपल्या ग्रुपमध्ये अव्वल स्थानावर राहील.

अशा परिस्थितीत उपांत्य फेरीत भारतीय संघाचा सामना ग्रुप-2मधील दुसऱ्या स्थानावर असलेल्या इंग्लंडशी होईल. खरं तर, गट-1 मधील अव्वल संघाचा सामना गट-2 मधील दुस-या क्रमांकावरील संघाशी आणि गट-2 मधील अव्वल संघाचा सामना गट-1 मधील दुसऱ्या संघाशी भिडले, हे आधीच ठरले होते.

ग्रुप-1 मधून भारत आणि ऑस्ट्रेलियाने उपांत्य फेरीत प्रवेश केला. तर भारताचा सामना इंग्लंड आणि दक्षिण आफ्रिकेचा सामना ऑस्ट्रेलियाशी होईल. एकंदरीत उपांत्य फेरीत मोठ्या संघांमध्ये चुरशीची स्पर्धा अपेक्षित आहे.

भारत आणि इंग्लंड यांच्यातील उपांत्य फेरीचा सामना 27 जून रोजी खेळला जाणार आहे आणि त्यानंतर 28 जून रोजी अंतिम सामनाही खेळवला जाईल. इंग्लंडने गेल्या वेळी सेमी-फायनलमध्येच टीम इंडियाचा पराभव केला होता. त्या पराभवाचा बदला घेण्याची सुवर्णसंधी भारताकडे आहे.