बांगलादेशवर नेपाळविरुद्धच्या T20 विश्वचषकातील 2024 सामन्यात DRS घेताना फसवणूक केल्याचा आरोप होत आहे. फलंदाजी करताना नॉन-स्ट्रायकर जाकेर अलीने ड्रेसिंग रूमकडे पाहत मदत मागितल्याचे व्हिडिओ आणि फोटो व्हायरल होत आहेत.
या सर्व प्रकारामुळे जगभरातील क्रिकेट चाहत्यांना प्रश्न पडला आहे की, मैदानावरील खेळाडू डीआरएस घेण्यासाठी सपोर्ट स्टाफची मदत घेऊ शकतो की नाही.
बांगलादेशच्या डावाच्या 14व्या षटकात तनझिम हसन साकिब संदीप लामिछानेच्या चेंडूवर एलबीडब्ल्यू झाला. त्यानंतर नॉन-स्ट्रायकवर असलेला बांगलादेशचा फलंदाज जाकेर अलीने तनझिम हसन शाकिब रिव्ह्यू घेत नसल्याचे लक्षात येता त्याने ड्रेसिंग रूमकडे पाहत रिव्ह्यू घ्यायचा की नाही यासाठी मतद मागितली.
आंतरराष्ट्रीय क्रिकेट परिषदेची (ICC) DRS दरम्यान खेळाडूंच्या संवादाबाबत कठोर मार्गदर्शक तत्त्वे आहेत. खेळाडूंना केवळ थेट सहभागी असलेल्या संघ सहकाऱ्याशी DRS घेण्याबाबत चर्चा करण्याची परवानगी आहे आणि ते यासाठी सपोर्ट स्टाफचा सल्ला घेऊ शकत नाहीत.
कलम 3.2.3 नुसार, खेळाडूंना मैदानाबाहेरून इनपुट मिळाल्याचे लक्षात येताच पंच DRS कॉल नाकारू शकतात. ICC च्या आचारसंहितेचा अनुच्छेद 2.15 देखील खेळाडूंना निलंबन आणि संभाव्य दंडांसह, डीआरएस घेण्यासाठी मैदानाबाहेरील मदत घेण्यास प्रतिबंधित करते.
डीआरएसचे म्हणजे Decision Review System. या अंतर्गत, जर एखाद्या खेळाडूला असे वाटत असेल की, पंचाने चुकीचा निर्णय घेतला आहे, तर गोलंदाजी संघाचा कर्णधार आणि फलंदाजीच्या बाजूने स्ट्राइकवर असलेला खेळाडू तिसऱ्या पंचाच्या मदतीने डीआरएसची घेऊ शकतो. मात्र, यासाठी १५ सेकंदांचा वेळ देण्यात आला आहे. 15 सेकंदांनंतर डीआरएस घेतल्यास तो अवैध ठरतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.