Emiliano Martinez : अर्जेंटिनाचा विश्वचषक विजेता आणि गोल्डन ग्लोव्हचा गोलरक्षक एमिलियानो मार्टिनेझ भारत दौऱ्यावर आहे. सोमवारी कोलकात्याच्या नेताजी सुभाषचंद्र बोस आंतरराष्ट्रीय विमानतळावर त्यांचे जंगी स्वागत करण्यात आले. त्यांच्या स्वागतासाठी विमानतळावर मोठी गर्दी झाली होती.

मार्टिनेझच्या चमकदार कामगिरीमुळे अर्जेंटिनाने कतारमधील 2022 फिफा विश्वचषक जिंकला. अनेक उत्कृष्ट पेनल्टी सेव्ह आणि गोलकीपिंगसाठी त्याला गोल्डन ग्लोव्ह पुरस्काराने सन्मानित करण्यात आले.

भारतात येणे हे एक स्वप्न होते - मार्टिनेझ

एमिलियानो मार्टिनेझ यांनीही विमानतळावर भव्य स्वागत स्वीकारल्यानंतर माध्यमांशी संवाद साधला. यादरम्यान तो म्हणाला की, मी भारतात येण्यासाठी खूप उत्सुक आहे आणि इथे आल्यानंतर मला खूप छान वाटत आहे. भारतात येण्याचे माझे स्वप्न होते. मला येथे आल्याचा आनंद आहे. विमानतळावर मार्टिनेझला पाहण्यासाठी फुटबॉल चाहत्यांनी मोठी गर्दी केली होती.

मार्टिनेझ भारतात येण्याचे कारण?

कोलकाता विमानतळावर जोरदार स्वागत केल्यानंतर मार्टिनेझ हॉटेलकडे रवाना झाला. त्याच्या भारतात येण्याचे कारण एक कार्यक्रम आहे. मार्टिनेझ मंगळवारी मोहन बागान क्लबच्या 'पेले-मॅराडोना-सोबर्स गेट'चे उद्घाटन करणार आहे.

"मार्टिनेझचाही सत्कार केला जाईल आणि ते आमच्या क्लबची पायाभूत सुविधा देखील पाहतील आणि काही निवडक सदस्यांना भेटतील," मोहन बागान यांनी त्यांच्या कार्यकारी समितीच्या बैठकीनंतर सांगितले.

ममता बॅनर्जी आणि गांगुली यांची घेणार भेट

मार्टिनेझ भारतात ३ दिवस राहणार आहेत. यादरम्यान तो संतोष मित्र चौकातील शाळकरी मुलांनाही भेटणार आहेत. तो मोहन बागान क्लब येथे पेले, दिएगो गेटचे उद्घाटन करणार आहे. तसेच, प्रीमियर लीग क्लब अॅस्टन व्हिलाकडून खेळणारा मार्टिनेझ पश्चिम बंगालच्या मुख्यमंत्री ममता बॅनर्जी आणि भारताचा माजी कर्णधार सौरव गांगुली यांची भेट घेणार आहे. मार्टिनेझ एका चॅरिटी सामन्यात प्रमुख पाहुणे असतील.