Virat Kohli England vs India 2nd ODI : भारत आणि इंग्लंड यांच्यातील तीन एकदिवसीय मालिकेतील दुसरा सामना लॉर्ड्स मैदानावर खेळल्या जात आहे. भारताने नाणेफेक जिंकून प्रथम गोलंदाजी करण्याचा निर्णय घेतला, जो योग्य ठरला. भारतीय संघाने इंग्लंडला 49 षटकात 246 धावांत गुंडाळले. या सामन्यात भारतासाठी युझवेंद्र चहल सर्वात यशस्वी गोलंदाज करत 10 षटकात 47 धावा देत 4 बळी घेतले. विराट कोहली लॉर्ड्सवर फलंदाजीला येतानाचा व्हिडिओ चांगलाच व्हायरल होत आहे.

इंग्लंडने दिलेल्या लक्ष्याचा पाठलाग करताना भारताची सुरुवात खराब झाली. कर्णधार रोहित शर्मा 10 चेंडू खेळून एकही धाव न घेता बाद झाला. शिखर धवन 26 चेंडूत 9 धावा करून बाद झाला. ऋषभ पंत खाते न उघडताच बाद झाला. विराट कोहली क्रिकेटच्या चांगल्या टप्प्यातून जात नसला तरी त्याचा आत्मविश्वास अजूनही कमी झालेला नाही. लॉर्ड्सच्या गॅलरीतील वॉकचा व्हिडिओ प्रत्येक खेळाडूसाठी महत्त्वाचा आहे. चांगली सुरुवात केल्यानंतर विराट कोहली 16 धावांवर बाद झाला.

दुसरीकडे, इंग्लंडला प्रथम खेळताना 49 षटकांत केवळ 246 धावाच करता आल्या. इंग्लंडकडून मोईन अलीने 47 आणि डेव्हिड विलीने 41 धावा केल्या. याशिवाय बेअरस्टोने 38 धावा केल्या. भारतीय गोलंदाजांनी अप्रतिम गोलंदाजी केली. चहल सर्वात यशस्वी ठरला आणि 10 षटकात 47 धावा देत 4 बळी घेण्यात यशस्वी ठरला. चहल व्यतिरिक्त बुमराह आणि पांड्याला 2-2 विकेट्स मिळाल्या, तर शमी आणि कृष्णा यांनी १-१ विकेट घेतली. भारतीय फिरकीपटू चहलने लॉर्ड्सवर इतिहास रचला.