Ind vs Pak asia cup super 4 match Team India playing 11 : कोलंबोमध्ये भारत आणि पाकिस्तान यांच्यात आशिया कप स्पर्धेतील सुपर-4 फेरीचा सामना खेळला जात आहे. बाबर आझमने नाणेफेक जिंकली असून पाकिस्तान संघ प्रथम गोलंदाजी करणार आहे. या सामन्यात केएल राहुलने टीम इंडियात एन्ट्री केली आहे.

दुखापतीमुळे राहुल पहिल्या दोन सामन्यात खेळला नव्हता पण आता तो तंदुरुस्त आहे. पाकिस्तानने सुपर-4 फेरीतील पहिला सामना जिंकला. दोन्ही देशांमधील शेवटचा सामना पावसामुळे रद्द झाला होता.

नाणेफेक जिंकल्यानंतर बाबर आझम म्हणाला, “खेळपट्टीत ओलावा आहे. त्यामुळे आम्ही प्रथम गोलंदाजी करू. भारत-पाकिस्तान सामना नेहमीच मोठा असतो. पण आपण त्याचा फारसा विचार करत नाही. खेळाच्या प्रत्येक विभागात चांगली कामगिरी करण्याचा आमचा प्रयत्न आहे. आमची टीम एकच आहे.

त्याचवेळी भारतीय कर्णधार रोहित शर्माने सांगितले की, मी प्रथम फलंदाजी करण्याचा निर्णय घेणार होतो. रोहितने प्लेइंग-11 मध्ये दोन बदल केले आहेत. जसप्रीत बुमराहचे संघात पुनरागमन झाले आहे. त्याचबरोबर श्रेयस अय्यरच्या जागी केएल राहुलचा समावेश करण्यात आला आहे. कोणाची बॅटिंग ऑर्डर काय आहे हे पाहणे रंजक ठरणार आहे.

पाकिस्तानने सुपर-4 फेरीतील पहिला सामना जिंकला. दोन्ही देशांमधील शेवटचा सामना पावसामुळे रद्द झाला होता. त्या सामन्यात भारतालाच फलंदाजी करता आली. त्या सामन्यात शाहीन आफ्रिदीने 4 विकेट घेतल्या होत्या.

भारताचे प्लेइंग-11 : रोहित शर्मा (कर्णधार), शुभमन गिल, विराट कोहली, केएल राहुल, इशान किशन (यष्टीरक्षक), हार्दिक पांड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज.

पाकिस्तानचे प्लेइंग-11 : बाबर आझम (कर्णधार), शादाब खान (उपकर्णधार), फखर जमान, इमाम उल हक, सलमान अली, इफ्तिखार अहमद, मोहम्मद रिझवान (यष्टीरक्षक), फहीम अश्रफ, नसीम शाह, शाहीन आफ्रिदी, हरिस रौफ.