चेन्नई : सलामीच्या लढतीत चीनचा ७-२ असा धुव्वा उडवणाऱ्या यजमान भारतीय पुरुष हॉकी संघाला आशियाई चॅम्पियन्स ट्रॉफी या हॉकी स्पर्धेतील शुक्रवारच्या लढतीत जपानविरुद्ध १-१ अशा बरोबरीत समाधान मानावे लागले.
जपानकडून केन नागायोशी याने २८व्या मिनिटाला गोल करीत भारताला धक्का दिला. जपानने ही आघाडी ४२व्या मिनिटांपर्यंत कायम ठेवली. हरमनप्रीत सिंगने ४३व्या मिनिटाला पेनल्टी कॉर्नरवर गोल करीत भारताला १-१ अशी बरोबरी साधून दिली. भारताचा पुढील सामना आता मलेशियाशी, तर जपानचा पाकिस्तानशी होणार आहे.
पाकिस्तानच्या हॉकी संघाने गतविजेत्या दक्षिण कोरिया हॉकी संघाला १-१ अशा बरोबरीत रोखले. शाहीद अब्दुल याने शानदार फिल्ड गोल करीत पाकिस्तानला १-० अशी आघाडी मिळवून दिली होती. अखेरच्या क्वॉर्टरमध्ये दक्षिण कोरियाने बरोबरीचा गोल केला. यांग झिहून याने पेनल्टी स्ट्रोकवर दक्षिण कोरियाला बरोबरी साधून दिली.
चीनच्या हॉकी संघाला प्रतिष्ठेच्या स्पर्धेमध्ये सलग दुसऱ्या पराभवाला सामोरे जावे लागले. भारताकडून त्यांना सलामीच्या लढतीत ७-२ असे पराभवाला सामोरे जावे लागले होते. मलेशियाने शुक्रवारी त्यांचा ५-१ असा धुव्वा उडवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.