Suryakumar Yadav ICC Ranking : 360 डिग्री फलंदाज, भारताचा एबी डिव्हिलियर्स अशी ख्याती असलेला सूर्यकुमार यादवने ऑस्ट्रेलियात झालेला टी 20 वर्ल्डकप गाजवला होता. त्यानंतर त्याने भारताकडून खेळताना अनेक स्मरणीय टी 20 इनिंग खेळल्या. त्यामुळे सूर्या आता आयपीएलच्या 16 व्या हंगामात देखील आग लावणार असे वाटत होते. मात्र सूर्यकुमार यादवचा आपल्या पावली माघारी फिरण्याचा नुकताच सुरू झालेला सिलसिला हा आयपीएलमध्ये देखील सुरू राहिला.
मात्र अशा परिस्थितीत देखील सूर्युकमार यादवसाठी एक दिलासा देणारी बातमी आली आहे. आयसीसीने नुकतेच पुरूष टी 20 फलंदाजी क्रमवारी जाहीर केली. या क्रमवारीत बॅड पॅचमधून जाणाऱ्या सूर्यकुमार यादवने आपले अव्वल स्थान अबाधित राखण्यात यश मिळवले आहे. सूर्यकुमार यादव सध्या क्रमवारीत 906 रेटिंग पॉईंट घेत सर्वोच्च स्थानावर आहे. त्याच्या खालोखाल पाकिस्तानचा मोहम्मद रिझवान 811 रेटिंग पॉईंट्स घेत दुसऱ्या स्थानावर आहे. तर पाकिस्तानचा कर्णधार बाबर आझम 755 रेटिंग पॉईंट घेत तिसऱ्या स्थानावर आहे.
दक्षिण आफ्रिकेचा एडिन मारक्रम हा 748 रेटिंग पॉईंट्स घेत चौथ्या तर डेवॉन कॉन्वे 745 पॉईंट्स सह पाचव्या स्थानावर आहे. आयपीएलच्या 16 व्या हंगामात अर्धशतकांचा रतीब घालण्यास सुरूवात केलेला विराट कोहली मात्र टी 20 रँकिंगमध्ये 15 व्या स्थानावर आहे.
सूर्यकुमार यादवसाठी यंदाच्या आयपीएलची सुरूवात चांगली झाली नाही. मुंबईकडून खेळणाऱ्या सूर्याने पहिल्या तीन सामन्यात 15, 1 आणि 0 धावा केल्या आहेत. दरम्यान, आता जरी सूर्या रेटिंग पॉईंट्समध्ये खूप पुढे असला तरी नुकत्याच तिसऱ्या स्थानी झेप घेतलेल्या बाबर आझमकडे सूर्याला मागे टाकण्याची संधी आहे. शनिवारपासून पाकिस्तान न्यूझीलंडविरूद्ध 5 टी 20 सामन्यांची मालिका खेळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.