India vs England Test News :

हैदराबाद : भारतीय संघ इंग्लंडविरुद्ध पाच सामन्यांची कसोटी मालिका खेळण्यासाठी सज्ज झाला आहे. मुख्य प्रशिक्षक राहुल द्रविड यांनी घरच्या मैदानावर टीम इंडियाच्या योजना काय आहेत याबद्दल काही संकेत दिले आहेत. केएल राहुल यष्टिरक्षक म्हणून दिसणार नसल्याचे भारतीय मुख्य प्रशिक्षकाने स्पष्ट केले आहे. यांचा अर्थ केएस भरत आणि ध्रुव जुरेल यांच्यात यष्टीरक्षकाच्या भूमिकेसाठी स्पर्धा होऊ शकते.

द्रविड म्हणाला की, 'राहुल मालिकेत यष्टिरक्षक म्हणून खेळणार नाही. मला वाटते की आम्ही निवडीबद्दल अगदी स्पष्ट आहे. यासाठी आम्ही आधी दोन व्यक्तींची निवड केली आहे. राहुलने दक्षिण आफ्रिकेत उत्कृष्ट कामगिरी केली होती. आणि ती मालिका अनिर्णित राहिली होती, परंतु ही पाच सामन्यांची कसोटी मालिका आहे. ही परिस्थितीत लक्ष्यात घेता, इतर दोन यष्टीरक्षक संघात घेतले आहेत.

इंग्लंडविरुद्धच्या पहिल्या दोन कसोटी सामन्यांमध्ये भारतीय संघ स्टार फलंदाज विराट कोहली खेळणार नाही. विराटने वैयक्तिक कारणांमुळे संघातून माघार घेण्याची विनंती केली होती. अनुभवी फलंदाज रोहित शर्मा संघाचे नेतृत्व करेल, तर स्टार वेगवान गोलंदाज जसप्रीत बुमराह उपकर्णधाराची भूमिका बजावेल. भारतीय वेगवान गोलंदाजी आक्रमणात आवेश खान, मोहम्मद सिराज आणि मुकेश कुमार यांचाही 16 सदस्यीय मजबूत संघात समावेश करण्यात आला आहे.

भारतीय संघ 25 जानेवारीपासून इंग्लंडविरुद्ध 5 सामन्यांची कसोटी मालिका खेळणार आहे. हा सामना 25 ते 29 जानेवारी दरम्यान हैदराबादमध्ये खेळला जाणार आहे. दुसरा कसोटी सामना 2 ते 6 फेब्रुवारी दरम्यान विशाखापट्टणम येथे तर तिसऱ्या सामन्यात दोन्ही संघ राजकोटमध्ये 15 ते 19 फेब्रुवारीदरम्यान खेळला जाईल. चौथा 23 ते 27 फेब्रुवारी दरम्यान रांची येथे आणि या मालिकेतील शेवटचा सामना 7 मार्च ते 11 मार्च दरम्यान धरमशाला येथे होणार आहे.