नवी दिल्ली : दुखापतीमधून सावरत असलेला भारतीय क्रिकेट संघाचा वेगवान गोलंदाज मोहम्मद शमी आता इंग्लंडविरुद्धच्या कसोटी मालिकेसाठी सज्ज होत आहे. राष्ट्रपती भवनात मंगळवारी राष्ट्रीय क्रीडा पुरस्कार वितरण सोहळा पार पडला. अर्जुन पुरस्कारासाठी शमीची निवड झाली. याप्रसंगी तो म्हणाला, मला पुढील दोन मालिकांसाठी तंदुरुस्त व्हायचे आहे. त्यासाठी मी अधिक मेहनत घेत आहे.
मोहम्मद शमी सध्या राष्ट्रीय क्रिकेट अकादमीत दुखापतीवर उपचार घेत आहे. तो या वेळी सांगतो, की माझ्यातील कौशल्याबाबत कोणताही दबाव घेण्याची गरज वाटत नाही. मी तंदुरुस्त झालो, तर कौशल्य मैदानात दाखवले जाईल. दरम्यान, ३३ वर्षीय शमी याने भारतात पार पडलेल्या एकदिवसीय विश्वकरंडकात २४ विकेट घेत आपले वर्चस्व प्रस्थापित केले.
मागील वर्षी उल्लेखनीय कामगिरी करणाऱ्या सात्विक साईराज रंकीरेड्डी-चिराग शेट्टी या जोडीला यंदा खेलरत्न पुरस्काराने सन्मानित करण्यात आले. या जोडीला बक्षिसाच्या रूपात २५ लाख रुपये देण्यात आले.
अर्जुन पुरस्काराच्या रूपात मला मेहनतीचे फळ मिळाले आहे. जे नशिबात असते, ते कुणीही हिरावून घेऊ शकत नाही. केंद्र सरकारचा पुरस्कार हा माझ्यासाठी स्वप्न पूर्ण होण्यासारखा आहे. यापुढेही मेहनत करीत राहीन.
मोहम्मद शमी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.