PAK vs NED World Cup: पाकिस्तान क्रिकेट संघाने 2023 च्या विश्वचषक मोहिमेची सुरुवात विजयाने केली आहे. पहिल्या सामन्यात पाकिस्तानने नेदरलँड्सचा 81 धावांनी पराभव केला होता. या सामन्यात बाबर आझमच्या संघाने प्रथम फलंदाजी करत 286 धावा केल्या, तर नेदरलँड संघाला 205 धावांपर्यंतच मजल मारता आली आणि सामना 81 धावांनी गमवावा लागला.

नाणेफेक गमावल्यानंतर फलंदाजी करताना संघाची सुरुवात चांगली झाली नाही आणि कर्णधार बाबर आझमसह आघाडीचे ३ फलंदाज स्वस्तात बाद झाले. मोहम्मद रिझवान आणि सौद शकील यांनी अर्धशतकी खेळी खेळून संघाला संकटातून बाहेर काढले. पाकिस्तानचा संपूर्ण संघ 49 षटकांत 286 धावा करून ऑलआऊट झाला.

या धावांचा पाठलाग करताना नेदरलँड्स संघाची सुरुवात देखील निराशाजनक राहिली. नेदरलँड्सचा संघ 205 धावांवर गारद झाला.  हॅरिस रौफने पॉल व्हॅन मीकरेनला क्लीन बोल्ड करून पाकिस्तानला विजय मिळवून दिला.