Rohit Sharma Triple Century:टीम इंडियाचा कर्णधार आणि स्टार सलामीवीर रोहित शर्माने रविवारी पाकिस्तानविरुद्धच्या सुपर-4 सामन्यात इतिहास रचला आहे. श्रीलंकेतील कोलंबो शहरातील आर प्रेमदासा स्टेडियमवर पाकिस्तानविरुद्धच्या शानदार सामन्यात भारताचा सलामीवीर रोहित शर्माने मैदानात उतरताच इतिहास रचला आहे. स्टार सलामीवीर रोहित शर्माने या सामन्यात प्रवेश करत आपल्या नावावर मोठी कामगिरी केली आहे.

टीम इंडियाचा कर्णधार रोहित शर्माने अनोखे त्रिशतक ठोकले आहे. खरे तर रोहित शर्माने सलामीवीर म्हणून 300 आंतरराष्ट्रीय सामने पूर्ण केले आहेत. श्रीलंकेच्या कोलंबो शहरातील आर प्रेमदासा स्टेडियमवर पाकिस्तान विरुद्धच्या महान सामन्यात भारताचा सलामीवीर रोहित शर्माने मैदानात उतरताच हा मोठा विक्रम आपल्या नावावर केला आहे. या विक्रमासह रोहित शर्माने मास्टर ब्लास्टर सचिन तेंडुलकर आणि विरेंद्र सेहवाग यांच्या खास क्लबमध्ये प्रवेश केला आहे.

सचिन तेंडूलकरने भारतासाठी ३४६ सामन्यामध्ये सलामीवीराची भूमिका बजावली आहे. विरेंद्र सेहवागने ३२१ सामन्यांमध्ये भारताला विस्फोटक सुरुवात करुन दिली. त्यानंतर रोहित शर्माने पाकिस्तान विरुद्ध ३००व्या सामन्यात सलामीसाठी उतरत या खास क्लबमध्ये प्रवेश केला.

सध्या भारत आणि पाकिस्तान या संघांदरम्यान आशिया चषकातील सुपर-४ सामना खेळवला जातोय. या सामन्यात पाकिस्तानने नाणेफेक जिंकून क्षेत्ररक्षणाचा निर्णय घेतला. भारतासाठी सलामीवीर कर्णधार रोहित शर्मा आणि शुबमन गिल यांनी भारताला शतकीय सुरुवात करुन देत पाकिस्तानी गोलंदाजांचा घाम काढला. मात्र, संघाची धावसंख्या शंभराच्या वर गेल्यावर दोन्ही सलामीवीरांना तंबूत जावं लागलं.