Sarfaraz Khan India A vs England Lion : भारत अ संघ आणि इंग्लंड लायन संघात दोन दिवसीय सामना होत आहे. सामन्याच्या दुसऱ्या दिवशी भारतीय फलंदाजांनी दमदार फलंदाजी करत इंग्लंडवर 175 पेक्षा जास्त धावांची आघाडी घेतली आहे. इंग्लंड लायनचा डाव 233 धावात गुंडाळल्यानंतर भारताने दुसऱ्या दिवशी तिसऱ्या सत्रात 6 बाद 416 धावांपर्यंत मजल मरली.
भारताकडून रजत पाटीदार, सरफराज खान, ध्रुव जुरेल आणि श्रीकार भारत यांनी चांगली फलंदाजी केली. रजत पाटीदारने शतकी खेळी केल्यानंतर सरफराज खान देखील शतक ठोकेल असे वाटत होते. मात्र तो 96 धावावर बाद झाला अन् अवघ्या 4 धावांनी त्याचं शतक हुकलं.
मात्र सरफराज खानच्या या धडाकेबाज खेळीनंतर सोशल मीडियावर चांगलाच ट्रेंड होऊ लागला. नेटकऱ्यांनी निवडसमितीला फैलावर घेत सरफराजने अजून किती धावा करायच्या असा प्रश्न विचारला.
भारतीय निवडसमितीने नुकतेच इंग्लंड विरूद्धच्या दोन कसोटी सामन्यांच्या मालिकेसाठी भारतीय संघाची घोषणा केली. या संघात रजत पाटीदार आणि सरफराज खान दोघांचेही नाव नाहीये. तर श्रीकार भारत आणि ध्रुव जुरेल यांची दुसरा आणि तिसरा विकेटकिपर म्हणून संघात निवड झाली आहे.
सरफराज खान हा 2020 पासून भारतीय कसोटी संघाचं दार ठोठावत आहे. मात्र त्याला अजूनही कसोटी संघात स्थान मिळालेलं नाही. तो प्रत्येक रणजी हंगामात खोऱ्याने धावा करत आहे.
सामन्याबद्दल बोलायचं झालं तर पहिल्या दिवशी भारतीय गोलंदाजांनी इंग्लंड लायनचा डाव 233 धावात गुंडाळला. भारताकडून मानव सुतारने तीन तर आकाश दीपने दोन विकेट्स घेतल्या. तर तुषार देशपांडे आणि पुलकीज नारंगने प्रत्येकी 1 विकेट घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.