Siddharth Sharma Demise : क्रिकेट जगतातून एक वाईट वृत्त समोर आले आहे. रणजी क्रिकेटमध्ये खेळणाऱ्या वेगवान गोलंदाजाचे वयाच्या २८ वर्षी निधन झाले आहे.

हे ही वाचा : पुण्याचा पहिला 'माॅल'- तुळशीबाग

सिध्दार्थ शर्मा असे निधन झालेल्या खेळाडूचे नाव आहे. सिध्दार्थ हिमाचल प्रदेशमधून रणजी सामने खेळत होता. सिद्धार्थच्या निधनानंतर हिमाचल प्रदेशचे मुख्यमंत्र्यांनी ट्वीट करत दुःख व्यक्त केले आहे.

सिद्धार्थच्या निधनाच्या बातमीने हिमाचलसह संपूर्ण देशातील क्रिकेटप्रेमींना मोठा धक्का बसला आहे.

याबाबत हिमाचल क्रिकेट असोसिएशनचे सचिव अवनीश परमनर यांनी सांगितले की, गुरूवारी सिद्धार्थचे बडोद्यातील रूग्णालयात निधन झाले. गेल्या काही दिवसांपासून सिद्धार्थ व्हेंटिलेटरवर होता. सिद्धार्थ बडोद्याविरूद्धच्या शेवटच्या सामन्यात हिमाचलच्या संघात सहभागी झाला होता.

सिद्धार्थच्या निधनानंतर हिमाचलचे मुख्यमंत्री सुखविंदर सिंग सुखू यांनी ट्वीट करत शोक व्यक्त केला आहे. सिद्धार्थचे अचानक जाणे हिमाचलचा विजय हजारे ट्रॉफी विजेता संघ आणि राज्याचा स्टार वेगवान गोलंदाज सिद्धार्थच्या निधनाचे वृत्त अत्यंत दुःखद आहे. त्याच्या जाण्याचे दुःख सहन करण्याची शक्ती कुटुंबियांना आणि चाहत्यांना मिळो हीच ईश्वर चरणी प्रार्थना असे म्हणत त्यांनी श्रद्धांजली व्यक्त केले आहे.