South Africa Announce Test Team Against New Zealand : भारतीय क्रिकेट संघासोबत खेळल्या जाणाऱ्या दोन सामन्यांच्या कसोटी मालिकेनंतर दक्षिण आफ्रिकेला न्यूझीलंडविरुद्ध त्याच फॉरमॅटमध्ये खेळायचे आहे.

या संघाला पुढील वर्षी फेब्रुवारीमध्ये किवी संघाविरुद्ध दोन सामन्यांची कसोटी मालिका खेळायची आहे. यासाठीचा संघ शनिवार 30 डिसेंबर रोजी जाहीर करण्यात आला. निवडकर्त्यांनी जो संघ निवडला आहे, तो अतिशय धक्कादायक आहे. असे करण्यामागील कारण म्हणजे कर्णधार नील ब्रँड या मालिकेत पदार्पण करणार आहे.

दक्षिण आफ्रिकेच्या संघाला पुढील वर्षी फेब्रुवारीमध्ये न्यूझीलंड दौऱ्यावर जायचे आहे. दोन सामन्यांच्या कसोटी मालिकेसाठी शनिवारी संघ जाहीर करण्यात आला. या दौऱ्यासाठी निवडण्यात आलेल्या संघात 7 नवीन चेहरे आहेत.

सर्वात आश्चर्याची बाब म्हणजे ज्या खेळाडूला कर्णधार बनवण्यात आले आहे. तो या दौऱ्यातच कसोटी पदार्पण करणार आहे. म्हणजे एकही सामना न खेळता त्याच्याकडे कर्णधारपदाची जबाबदारी देण्याचा निर्णय निवडकर्त्यांनी घेतला आहे.

दक्षिण आफ्रिकेने न्यूझीलंडविरुद्धच्या कसोटी मालिकेसाठी नील ब्रँडची कर्णधारपदी नियुक्ती केली आहे. नील ब्रँडने आतापर्यंत आपल्या संघासाठी एकही कसोटी सामना खेळलेला नाही. दक्षिण आफ्रिका आणि न्यूझीलंड यांच्यातील पहिला सामना 4 फेब्रुवारीपासून तर दुसरा कसोटी सामना 13 फेब्रुवारीपासून सुरू होणार आहे.

दक्षिण आफ्रिका संघ : नील ब्रँड (कर्णधार), डेविड बेडिंघम, क्लाइड फॉर्टुइन, जुबैर हमजा, रुआन डी स्वार्ट, शेपो मोरेकी, मिहलाली म्पॉन्गवाना, डुआन ओलिवर, डेन पेटरसन, कीगन पीटरसन, डेन पीट, रेनार्ड वान टोंडर, शॉन वॉन बर्ग, खाया जोंडो.