Suryakumar Yadav : भारतीय संघ गुरूवारी मुंबईत वर्ल्डकपमधील आपला सातवा सामना खेळणार आहे. हा सामना श्रीलंकेसोबत होणार असून. भारतीय संघ मुंबईत दाखल झाला आहे. भारतीय संघ जवळपास सेमी फायनलमध्ये पोहचला आहे. त्यामुळे संघातील खेळाडू थोडे निवांत झाले आहे. त्यामुळे संघातील खेळाडू नवनवीन शक्कल लढवत आहे.

दरम्यान, भारतीय संघातील खेळाडू सूर्यकुमार यादव मुंबईच्या रस्त्यावर कॅमेरामन म्हणून फिरू लागला. त्याला अनेक लोकांनी ओळखलेच नाही. तर काही लोकांनी त्याला ओळखले अन् त्याच्यासोबत सेल्फी घेऊ लागले. सूर्यकुमार यादव देखील मुंबईकरच आहे.

सूर्यकुमार यादव आणि बीसीसीआयने मिळून एक फनी व्हिडिओ तयार केला. सूर्याने एक लूज शर्ट.. तोंडावर मास्क.. डोक्यावर टोपी.. असा पोशाख केला होता. त्यानंतर रविंद्र जडेजाला हा व्यक्ती कोण आहे हे ओळखायला सांगितले. मात्र जडेजाला ओळखता आले नही.

यानंतर सूर्यकुमार यादव मुंबईच्या रस्त्यावर फिरला अन् लोकांचे फोटो काढले. त्यावेळी देखील अनेक लोकांनी त्याला ओळखले नाही.