Team India Asian Games : भारतीय क्रिकेट संघ प्रथमच आशियाई क्रीडा 2023 मध्ये सहभागी होण्यासाठी सज्ज झाला आहे. टीम इंडिया 23 सप्टेंबरपासून आशियाई खेळ खेळणार असून त्यासाठी 15 सदस्यीय संघ जाहीर करण्यात आला तर 5 खेळाडूंना स्टँडबायवर ठेवण्यात आले आहे.

ऋतुराज गायकवाडला या संघाचे कर्णधारपद देण्यात आले आहे. भारतीय क्रिकेट नियामक मंडळाच्या एका घोषणेने या 20 खेळाडूंचे स्वप्न भंगले आहे. असे मानले जात आहे की 2023 च्या विश्वचषक स्पर्धेसाठी हे 20 खेळाडू टीम इंडियामध्ये आपले स्थान निश्चित करण्याच्या शर्यतीतून बाहेर पडले आहेत.

मीडिया रिपोर्ट्सनुसार, बीसीसीआयने आशियाई क्रीडा स्पर्धेसाठी निवडलेल्या संघात ज्यांची नावे आहेत ते वनडे वर्ल्ड कपमध्ये खेळणार नाहीत. आशियाई क्रीडा स्पर्धेसाठीचा संघ शुक्रवारी जाहीर करण्यात आला.

भारत आणि वेस्ट इंडिज यांच्यात खेळल्या गेलेल्या पहिल्या कसोटी सामन्यात बीसीसीआयचे माजी अधिकारी सबा करीम यांनी संघाच्या घोषणेनंतर लाईव्ह कॉमेंट्री दरम्यान सर्व खेळाडूंची नावे वाचून दाखवली. यादरम्यान, सबा करीमने असेही सांगितले की जो कोणी आशियाई स्पर्धेत खेळेल तो विश्वचषक संघाचा भाग होणार नाही कारण दोन्ही स्पर्धा एकाच वेळी खेळल्या जाणार आहेत.

23 सप्टेंबर ते 8 ऑक्टोबर दरम्यान आशियाई क्रीडा स्पर्धा खेळल्या जाणार आहेत. त्याचवेळी 5 ऑक्टोबरपासून भारतात एकदिवसीय विश्वचषक 2023 सुरू होणार आहे. अशा परिस्थितीत या 20 खेळाडूंना विश्वचषक संघात स्थान मिळणे कठीण आहे. क्रिकेट आशियाई इतिहासात फक्त तीन वेळा खेळली गेली आहे.

मात्र भारताने या स्पर्धेत एकदाही आपला संघ पाठवला नाही. त्याच वेळी भारतीय क्रिकेट बोर्डाने आधी सांगितले होते की, व्यस्त वेळापत्रकामुळे पुरुष आणि महिला क्रिकेट संघ या मेगा स्पर्धेत सहभागी होणार नाहीत. पण बीसीसीआयने आता आपला निर्णय बदलला आहे.

आशियाई खेळांसाठी भारतीय पुरुष संघ :

ऋतुराज गायकवाड (कर्णधार), यशस्वी जैस्वाल, राहुल त्रिपाठी, टिळक वर्मा, रिंकू सिंग, जितेश शर्मा (यष्टीरक्षक), वॉशिंग्टन सुंदर, शाहबाज अहमद, रवी बिश्नोई, आवेश खान, अर्शदीप सिंग, मुकेश कुमार, शिवम मावी, शिवम दुबे आणि प्रभुसिमरन सिंग

स्टँडबाय खेळाडू: यश ठाकूर, साई किशोर, व्यंकटेश अय्यर, दीपक हुडा आणि साई सुदर्शन.