राज्य क्रिकेट संघटनेने केला अष्टपैलू क्रिकेटपटूवर आरोप

नवी दिल्ली: सेलिब्रिटी (Celebrity) आणि वाद (Fights) हा काही नवी गोष्ट नाही. अनेक वेळा अभिनेते (Bollywood Actors) मंडळी किंवा क्रिकेटपटू (Cricketers) वेगवेगळ्या वादात अडकल्याचे दिसू आले आहे. काही वेळा काहींना पोलिस चौकशी (Police Inquiry) आणि शिक्षेलाही सामोरे जावे लागले आहे. पण टीम इंडियाच्या (Team India) एका क्रिकेटपटूवर चक्क मैदानातील रोलर चोरी (Pitch Roller) केल्याचा आरोप करण्यात आला आहे. जम्मू काश्मीर (Jammu & Kashmir) क्रिकेट बोर्डाने भारतीय अष्टपैलू खेळाडू (All Rounder) परवेझ रसूल (Parvez Rasool) याच्यावर हा आरोप केला.

जम्मू आणि काश्मीर असोशिएशनने रसूलवर आरोप केला आहे की JKCA च्या मैदानातील पिच रोलर त्याने चोरी केला. इतकेच नव्हे तर पिच रोलर रसूलने असोशिएशनला परत द्यावा अशी एक नोटीसदेखील त्याला पाठवण्यात आली आहे. मात्र मी रोलर चोरी केलेली नसून माझ्यावर असा आरोप होणे खूपच दुर्दैवी आहे, अशी भावना परवेझ रसूलने व्यक्त केली. रसूल हा जम्मू काश्मीरमधील एक उत्तम क्रिकेटपटू आहे. त्याने भारताकडून १ वन डे आणि १ टी २० सामना खेळला आहे. आंतरराष्ट्रीय क्रिकेट खेळलेल्या खेळाडूवर असा आरोप करणे ही खूपच वाईट बाब असल्याचे त्याने म्हटले आहे.

परवेझवर ज्या पद्धतीचे आरोप सध्या करण्यात आले आहेत, त्यामुळे तो चर्चेत आला असून त्याच्या प्रतिमेला धक्का लावणारी ही गोष्ट आहे असे त्याचे मत आहे. संघटनेने त्याला रोलर परत करण्यास सांगितले आहे. जर त्याने रोलर परत केला नाही तर त्याच्याविरोधात पोलिस कारवाई केली जाईल, असे सांगण्यात येत आहे. या मुद्द्यावर भाजपचे प्रवक्ते ब्रिगेडीयर (निवृत्त) अनिल गुप्ता म्हणाले की संघटनेकडे रसूलने रोलर चोरल्याचा काही पुरावा आहे का? असा सवाल त्यांनी केली.