World Archery Championships : भारतीय महिला काम्पाऊंड टीमने बर्लीन येथे सुरू असलेल्या जागतिक तीरंदाजी अजिंक्यपद स्पर्धेत सुवर्ण पदक पटकावले. या सुवर्णपदक विजेत्या संघात ज्योती सुरेखा व्हेन्नम, परनीत कौर आणि आदिती गोपीचंद स्वामी या खेळाडूंचा समावेश होता. जागतिक अजिंक्यपद स्पर्धेततील हे भारताचे सर्व प्रकारातील पहिले सुवर्ण पदक आहे.

सुवर्ण पदकासाठी झालेल्या अंतिम सामन्यात भारतीय संघातील तीन खेळाडूंनी मेक्सिकोच्या संघाला 235 - 229 गुणांनी पराभूत केले. मेक्सिकोकडून दाफने क्विंटेरो, आना सोफा हेरनांडेझ जेओन आणि आंद्रेया बेकेर्रा यांचा समावेश होता.

भारताच्या या तीन खेळांच्या संघाने पात्रता फेरीत दुसरे स्थान पटकावले होते. त्यांनी सेमीफायनलमध्ये गतविजेत्या कोलंबियाचा 220 - 216 गुणांनी विजय मिळवला होता.

भारतीय संघाला पहिल्या फेरीत बाय मिळाला होता. त्यानंतर भारतीय महिला काम्पाऊंड संघाने तैवान आणि टर्कीचा पराभव करत सेमी फायनल फेरी गाठली होती. भारताने जागतिक तीरंदाजी अजिंक्यपद स्पर्धेत यापूर्वी 11 पदक जिंकले होती.

(Sports Latest News)