Khali Joins BJP Party : WWE रेसलर द ग्रेट खलीनं आपल्या राजकीय कारकिर्दीला आजपासून सुरुवात केलीय. केंद्रातील सत्ताधारी भारतीय जनता पक्षाचा तो सदस्य झालाय. रेसलर द ग्रेट खलीनं (Wrestler The Great Khali) आज भारतीय जनता पक्षात (BJP) प्रवेश केला. खलीला आज दिल्लीत भाजपचं सदस्यत्व देण्यात आलं. गेल्या वर्षी खलीनं समाजवादी पक्षाचे अध्यक्ष अखिलेश यादव (Akhilesh Yadav) यांचीही भेट घेतली होती.

आज केंद्रीय मंत्री जितेंद्र सिंह यांनी खलीला पक्षाचं सदस्यत्व मिळवून दिलं. मूळचा हिमाचल प्रदेशचा असलेल्या द ग्रेट खलीनं भाजपात प्रवेश केल्यानंतर पंतप्रधान मोदींचं कौतुक केलंय. मोदींच्या रूपानं देशाला योग्य पंतप्रधान मिळाला असल्याचंही तो म्हणाला. (Wrestler The Great Khali Joins BJP)

द ग्रेट खलीचं खरं नाव दलीप सिंह राणा आहे. भाजपात प्रवेश केल्यानंतर बरं वाटत असल्याचंही तो म्हणाला. मला पैसे कमवायचे असते, तर मी अमेरिकेतच राहिले असतो; पण माझं देशावर प्रेम आहे, म्हणून मी भारतात परतलोय. मोदींमुळं देशाला योग्य पंतप्रधान मिळाल्याचं मी पाहिलंय, असंही खलीनं सांगितलं.