क्रिकेटर विराट कोहली आणि अभिनेत्री अनुष्का शर्मा  यांना 15 फेब्रुवारी 2024 रोजी पुत्ररत्न प्राप्त झालं आहे.  बाळाच्या जन्माच्या पाच दिवसांनी 20 फेब्रुवारी 2024 रोजी त्यांनी चाहत्यांसोबत गुडन्यूज शेअर केली.

अनुष्काची डिलिव्हरी भारतात नाही तर विदेशात झाली आहे. विराट-अनुष्काने आपल्या दुसऱ्या बाळाला जन्म देण्यासाठी भारतामधील एखादे शहर नाही तर लंडन निवडलं. विराट आणि अनुष्काने त्यांच्या सोशल मीडिया अकाउंटवर शेअर केले.

अनेकांना असे वाटत होते, की एकट्या एबी डिव्हिलियर्सनेच याबाबत माहिती दिली आहे, पण असे नाही आणखी एका व्यक्तीने याबाबत काही वर्षांपूर्वी ही माहिती दिली होती.

बरं, हा दुसरा कोणी नसून ज्योतिषी होता ज्याने सुमारे आठ वर्षांपूर्वी फेसबुक पोस्टद्वारे 2021 ते 2024 दरम्यान कोहलीच्या दुसऱ्या मुलाच्या आगमनाची भविष्यवाणी केली होती. 2 एप्रिल 2016 पासून, FB पेज 'स्टार्स अँड अ‍ॅस्ट्रोलॉजी' ने कोहलीच्या जन्मकुंडलीचे तपशीलवार वर्णन तयार केले आहे. या पेजवरुन विराट कोहलीची कारकीर्द, अनुष्कासोबत त्याचं लग्न आणि इतर बऱ्याच गोष्टींबाबत अचूक 'अंदाज' व्यक्त केले होते.

विशेष म्हणजे 2021 ते 2025 या कालावधीमध्ये विराट कोहलीचा फॉर्म कधी-कसा असेल याबाबत देखील यामध्ये भविष्यवाणी करण्यात आली आहे. आतापर्यंतच्या रेकॉर्डनुसार हे अंदाज खरे देखील ठरले आहेत. कोहली मार्च 2028 पूर्वी निवृत्त होणार असल्याची भविष्यवाणी देखील यात करण्यात आली आहे.

सोशल मीडियावर चाहते विराट आणि अनुष्काचे अभिनंदन करत आहेत. पण विराट आणि अनुष्काच्या घरी छोटा पाहुणा आला तो दिवस कसा होता हे तुम्हाला माहीत आहे का? ग्रह आणि नक्षत्राची स्थिती काय होती? त्या दिवसाचा प्रभाव काय आहे?

ज्योतिष शास्त्रात ग्रह, नक्षत्र आणि जन्मकुंडली यांचे खूप महत्त्व मानले जाते. सनातन धर्मात जेव्हा एखाद्याचा जन्म होतो, तेव्हा लग्न मुहूर्त आणि ग्रह नक्षत्राची स्थिती अत्यंत महत्त्वाची मानली जाते. ज्योतिषांच्या मते १५ फेब्रुवारी हा दिवस अतिशय शुभ होता आणि या दिवशी अनुष्का शर्माने मुलाला जन्म दिला.

अयोध्येचे ज्योतिषी पंडित कल्की राम यांनी सांगितले की, "15 तारखेला शुक्ल पक्षातील सप्तमी तिथी होती. हा दिवस गुरुवार होता आणि या दिवशी नक्षत्राचा स्वामी शुक्र आणि राशीचा स्वामी मंगळ होता. अशा परिस्थितीत या दिवशी जन्मलेली मुले खूप रहस्यमय आणि भाग्यवान मानली जातात."

अयोध्येचे ज्योतिषी पंडित कल्की राम सांगतात की, "अनुष्का शर्माचा मुलगा खूप हुशार असेल. आपल्या बुद्धिमत्तेने आणि विवेकाने विरोधकांचा पराभव करेल. देशाचं नाव मोठं करेल. हे मूल विराट कोहलीच्यानंतर देशाला प्रसिद्धी मिळवून देईल."

'अकाय' नावाचा अर्थ

विराट-अनुष्काने त्यांच्या मुलाचे नाव 'अकाय' असे ठेवले आहे. विराट-अनुष्काने 'अकाय' हे नाव खूप विचार करुन ठेवलं आहे. हिंदी शब्दकोशानुसार, 'अकाय' म्हणजे 'निराकार'. कोणताही आकार, रूप नसलेल्याला निराकार म्हटलं जातं. तसेच 'अकाय'चा एक अर्थ चंद्राचा प्रकाश असाही होतो.