स्वयंपाक घरातील कोणतीही वस्तू खरेदी करताना स्त्रिया हजारवेळा विचार करत असतात. स्वयंपाकासाठी लागणाऱ्या भांड्यांची क्वालिटी, रंग, आकार या सगळ्याचा विचार केला जातो. मात्र, अनेकदा स्वयंपाक घराला रंग देण्याची वेळ आली की नेहमीप्रमाणे टिपिकल रंगच दिला जातो. मात्र, गेल्या काही काळात स्वयंपाक घराची रचना, रंग यावरही विशेष भर दिला जात आहे. म्हणूनच, स्वयंपाक घराला टिपिकल रंगदेण्याऐवजी कोणते नवे रंग देता येतील ते पाहुयात. (home-decor-select-right-colors-for-your-kitchen)

१. फ्रेश ग्रीन कलर -

स्वयंपाक घराला हिरवा रंग देणं हे काही नवीन नाही. गेल्या अनेक वर्षांपासून अनेकांच्या स्वयंपाक घराला हिरवा रंग असल्याचं पाहायला मिळतं. मात्र, हिरव्या रंगातही असंख्य शेड्स आहेत. त्यातील फ्रेश ग्रीन कलर स्वयंपाक घराला उत्तम शोभून दिसतो. स्वयंपाक घराच्या भिंतींना फ्रेश ग्रीन कलर दिल्यानंतर वरती बसवलेल्या कपाटं म्हणजेच कॅबिनेट्सला न्यूट्रल ठेवा. तर, ट्रॉलीला फ्रेश मिंट ग्रीन कलर द्या. यामुळे स्वयंपाक घर अधिक खुलून दिसतं.

२. कन्टेम्पररी किचन -

सध्याच्या काळात किचनचं मेकओव्हर करताना अनेकदा पांढऱ्या रंगाचा वापर केला जातो. मात्र, तुम्हाला पांढरा रंग नको असेल तर आयसी ग्रे कलरचा वापर करु शकता. हा रंग घरातील भांड्यांसोबतही छान मॅच होतो. तसंच स्वयंपाक घरातील भिंतींना आकाशी रंगदेखील देता येऊ शकतो. सध्याच्या काळात मॉर्डन किचनसाठी स्टील ग्रे आणि आयसी ग्रे रंग सर्वात जास्त वापरले जात आहेत.

३. गुलाबी -

गुलाबी रंगामध्येदेखील अनेक रंगाच्या शेड्स उपलब्ध आहेत. यापैकी बेबी पिंक, डार्क पिंक हे रंग स्वयंपाक घरात जास्त खुलून दिसतात. मात्र, हे रंग देत असताना स्वयंपाक घरात प्रकाश जास्त येईल याची काळजी घ्यावी.

४. स्ट्राँग कलर -

जर तुम्हाला डार्क किंवा भडक रंग आवडत असतील तर तुम्ही स्ट्राँग कलरची नक्कीच निवड करु शकता. यात सध्या युनिकॉर्न पॅलेट, रेनबो कलर्स जास्त वापरले जात आहेत.