Morning Breakfast Recipe: वीकेंडला सकाळी नाश्त्यात काही तरी खास बनवयाचे असेल तर बटाट्यापासून खास टिक्की बनवू शकता. हा पदार्थ बनवायला सोपा आणि चवदार आहे. घरातील लहान मुलांना देखील हा पदार्थ नक्की आवडेल. चला तर मग जाणून घेऊया बटाटा टिक्की बनवण्याची सोपी पद्धत.

लागणारे साहित्य

उकडलेला बटाटा -१

कोथिंबीर- १ वाटी

हिरवी मिरची -२ चमचे

काळे मिरे- १ चमचा

आलं -लसूण पेस्ट

चवीनुसार मीठ

तांदूळ पावडर -२ चमचे

कॉर्न फ्लेक्स

कृती

बटाटा टिक्की बनवण्यासाठी सर्वात आधी उकलेला बटाटा बारिक करावा. नंतर त्यात कोथिंबीर हिरवी मिरची,काळे मिरे,आलं -लसूण पेस्ट,मीठ मिक्स करावे. यानंतर या मिश्रणात कॉर्न फ्लेक्सची बारिक पावडर मिक्स करावी. नंतर या मिश्रणाला एक प्लेटमध्ये टाकून चौकोनी वड्या कराव्या. एका पॅनमध्ये तेल गरम करायला ठेवावे. तपकिरी रंग येईपर्यंत दोन्ही बाजूंनी वड्या तळून घ्याव्या. टोमॅटो सॉस किंवा हिरव्या चटणीसोबत आस्वाद घेऊ शकता.