Vidhan Sabha Election 2024: महाराष्ट्रात सर्वांनाच विधानसभा निवडणुकीची प्रतिक्षा लागून राहिली आहे. यासाठी निवडणूक आयोगाचे पथक मुंबईत दाखल झाले होते. निवडणूक आयोगाकडून विधानसभेचा आढावा घेण्यात आला आहे. त्यानंतर आज मुंबईतील ट्रायंडेट हॉटेलमध्ये निवडणूक आयोगाच्या पथकाने पत्रकार परिषद घेतली आहे. यात त्यांनी महाराष्ट्रात निवडणूका कधी होणार यावर भाष्य केले आहे. निवडणुका घेण्यास आयोगाने अजून वेळ मागितला आहे. तसेच त्यात त्यांनी अपंग व्यक्तींसाठी खास सुविधांची माहिती दिली आहे. ज्यामुळे मतदानाच्या दिवशी त्यांना मतदानाचा हक्क बजावता येणार आहे.

अपंग व्यक्तींना मिळतील पुढील सुविधा

प्रवेशयोग्य मतदान केंद्राची सोय देण्यात येईल.

अपंग असणाऱ्या लोकांना मतदान केंद्रावर व्हीलचेअर आणि स्वयंसेवक सुविधा मिळेल.

तुम्ही अपंग असाल आणि मतदानासाठी मतदान केंद्रवर येऊ शकत नसाल तर घरपोच मतदानाची सोय देण्यात येईल.

अपंग व्यक्तींना मतदानाच्या दिवशी पिक आणि ड्रॉप सुविधा मिळेल.

मतदान केंद्रावर सुविधांचा लाभ घेण्यासाठी सक्षम ॲपचा वापर करू शकता.

राजीव कुमार यांनी सांगितले की, 'आपले मत आपला हक्क' हा कार्यक्रम सुरू आहे. या दौऱ्यात त्यांनी बसपा, आप, सीपीआय, मनसे, शिवसेना, यूबीटी, मनसे अशा 11 पक्षांची भेट घेतल्याचे त्यांनी सांगितले. निवडणुकीची तारीख जाहीर होण्यापूर्वी सणांची काळजी घ्यावी, असे सर्वांनी मिळून सांगितले आहे.

ते म्हणाले की, निवडणुकीची तारीख मध्यभागी असावी, अशी पक्षांची मागणी आहे. 2024 च्या सार्वत्रिक निवडणुकीत काही गैरसोयी दिसल्या, मतदारांनी त्यांना सामोरे जाऊ नये. फेक न्यूजच्या प्रसारावर बंदी घालावी. तसेच आम्ही 26 नोव्हेंबर आधी महाराष्ट्रात निवडणुका घेऊ, असं त्यांनी स्पष्ट केले आहे. राजीव कुमार म्हणाले, दोन दिवस राजकीय पक्षांशी चर्चा झाली. सण आणि उत्सवानंतर निवडणुका जाहीर कराव्यात, असे राजकीय पक्षांचे म्हणणे आहे.