Navneet Rana join BJP: खासदार नवनीत राणा भाजपकडून अमरावती मतदारसंघातून लोकसभा निवडणूक लढणार आहेत. महायुतीचे घटक पक्ष असलेल्या प्रहार पक्षाचे अध्यक्ष बच्चू कडू यांना हा धक्का मानला जात आहे. शिवसेना (शिंदे गट) व भाजप पदाधिकाऱ्यांचा विरोध डावलत भाजपकडून अमरावतीसाठी नवनीत राणा यांना पुन्हा संधी देण्यात आली आहे. या उमेदवारीला बच्चू कडूंसह व अमरावती मधील भाजप पदाधिकाऱ्यांनी विरोध केला होता.

अमरावतीचे आमदार बच्चू कडू यांनी मंगळवारी (ता.२६) मुख्यमंत्री एकनाथ शिंदे यांची भेट घेतली होती. यावेळी त्यांनी नवनीत राणा यांच्या उमेदवारीला विरोध केला होता. मात्र त्यांना महायुतीने जुमानले नसल्याची चर्चा आहे. कडू यांनी राणा यांना उभे केल्यास महायुतीतून बाहेर पडू, असा इशारा महायुतीला दिला होता.

भाजपने अमरावतील लोकसभेतून नवनीत राणा यांना उमेदवारी जाहीर केली. यानंतर राणा यांच्यासह त्यांच्या शेकडो कार्यकर्त्यांनी भाजपमध्ये अधिकृत प्रवेश केला. दुसरीकडे नवनीत राणा यांच्या प्रवेशानंतर बच्चू कडू नेमकी काय भूमिका घेणार याकडे सर्वांचं लक्ष लागून आहे.

नवनीत राणा यांना अमरावतीतून उमेदवारी दिल्यास आम्ही महायुतीतून बाहेर पडू, असा इशाराही बच्चू कडू यांनी दिला होता. यासंदर्भात त्यांनी मुख्यमंत्री एकनाथ शिंदे यांची भेटही घेतली होती. राणा दाम्पत्याला पैशांचा माज आहे, अशी घणाघाती टीकाही बच्चू कडू यांनी केली होती.