पुणे - कायद्याची लढाई कायद्यानं लढा, कोल्हापुरी चपलानं नको असा पटलवार भाजपाच्या चंद्रकांत पाटील यांनी केला आहे. मुश्रीफ यांनी केलेल्या टीकेला त्यांनी उत्तर दिलं आहे. आज पुण्यात त्यांनी पत्रकारांशी संवाद साधला.

ते म्हणाले, मुश्रीफ यांना माझं नाव घेतल्याशिवाय शांत झोप लागत नाही. किरीट सोमय्या हे आरोप करत आहेत तर मग कोल्हापूर जिल्हा बंदची कारवाई कशासाठी ? असा सवाल त्यांनी केला. ईडीची लढाई करताना तोंडाला फेस येईल, त्यामुळे कायद्याची लढाई कायद्याने लढा. येत्या दोन दिवसांत कॉंग्रेसच्या दोन बड्या नेत्यांचे घोटाळे बाहेर काढणार असल्याचा इशाराही त्यांना दिला आहे.

काय म्हणाले होते हसन मुश्रीफ

भाजपाच्या चंद्रकांत पाटील यांनी पुरुषार्थ दाखवून लढाई लढावी, सोमय्यांच्या मागे चंद्रकांत पाटील हेच सूत्रधार आहेत. भाजपचे नेत्यांकडून किरीट सोमय्या यांचा वापर सुरु आहे. सोमय्या यांनी केलेले आरोप बिनबुडाचे असून त्यांचावर दावा दाखल करणार असल्याचेही मुश्रीफ यांनी सांगितले आहे.