shinde group: राज्याच्या सत्तांतराचा नाट्यमय खेळ ज्या गुवाहटीमध्ये झाला. त्याच गुवाहटीच्या दौऱ्यावर मुख्यमंत्री एकनाथ शिंदे जाणार आहेत. तिथे ते कामाख्या देवीचं दर्शन घेणार आहे. त्यांच्यासोबत शिंदे गटातील सर्व आमदार असणार आहेत. शिंदे गट येत्या २६ आणि २७ तारखेला मुख्यमंत्र्यांसह सर्व आमदारांचा दौरा निश्चित झाल्याचे सांगण्यात येत आहे.

'एबीपी माझा' या वृत्तवाहिनीने यासंदर्भातील वृत्त दिले आहे. गुवाहटी येथे मुख्यमंत्री एकनाथ शिंदे कामाख्या देवीची विशेष पूजा करतील. यासह आसामचे राज्यपाल, मुख्यमंत्री, पोलिस कमिश्नर आणि ज्यांनी-ज्यांनी सत्तासंघर्षावेळी मदत केली त्यांची भेट घेतील.

हेही वाचा- गरज आहे पंढरपूर पुन्हा समतेचे पीठ होण्याची....

दरम्यान, ठाकरे गटाचे नेते उद्धव ठाकरे यांनी मध्यावधी निवडणुकीचं सूतोवाच केल्यानंतर शिंदे गटाच्या या दौऱ्याकडे विशेष अर्थान बघितलं जातंय. आमदारांना एकत्रित बांधून ठेवण्यासाठी तर हा दौरा नाही ना? असाही प्रश्न या निमित्ताने उपस्थित केला जात आहे.